Politikë

Rama komenton sjelljen kaotike të opozitës sot në Kuvend, duke thënë se duhet të heqë dorë nga avazi i vjetër, përndryshe do të përballet sërish me veprimin e sotëm: Hapje e votimit dhe përfundim të seancës para kohe. Jep edhe lajmin: Diella do të jetë e pranishme edhe fizikisht në tryezat e qeverisë. Bardhi e akuzon se do heshtjen e opozitës.

Grupi i PD del me tre vendime pas kaosit në Kuvend. Gati mocioni për shkarkimin e kryeparlamentarit Peleshi. Kalimin pa debat të programit, Berisha e quajti një akt si të diktatorit koreano-verior Kim Jong Un.

Ceremonia e betimit të ministrave të rinj do të mbahet në orën 10:00 në Presidencë. Pas betimit, ministrat i drejtohen Kryeministrisë në këmbë, aty ku do të zhvillojnë mbledhjen e parë qeveritare.

“Diella” i shpjegoi opozitës se vërtetë nuk është prej mishi, por është kushtetuese pasi është në shërbim të njerëzve, e lirë nga korrupsioni dhe pa ambicie personale. Fjala a saj në Kuvend do të llogaritet brenda kohës së kryeministrit Rama, i cili si përgjegjës për të, shpjegoi mënyrën si do të funksionojë dhe fushat ku do të veprojë Diella.

Në një video të postuar nga kreu i qeverisë Diella shprehet se misioni i saj është të lehtësojë çdo ditë e më shumë punën e qeverisë.

25 minuta zgjati seanca plenare ku kryeministri Rama do të prezantonte programin e qeverisë. Ai paralajmëroi disa herë opozitën se nuk do toleronte përplasjet e zhurmat në seancë. Opozita e finalizoi aksionin duke hedhur sende ndaj kabinetit qeveritar e kryeparlamentarit. PS i kërkon Komisionit të Etikës përjashtimin e Bardhit dhe Fidel Krekës.