Politikë

Sot është Dita e Europës. Presidenti Ilir Meta me rastin e Ditës së Europës i ka dërguar një mesazh urimi  kreut të Këshillit Europian, Charles Michel. Kreu i shtetit i shpreh mirënjohjen për mbështetjen pas tërmetit tragjik dhe hapjes së negociatave. Kryetari i Kuvendit shkruan se 9 Maji 2020 është e para Ditë e Europës, pasi Shqipëria ka merituar konsensusin e Këshillit  Europian për çeljen e negociatave të anëtarësimit.

Kryetarja e LSI Monika Kryemadhi tha se dy pikat e forta të Ramës janë krijimi i network-ut financiar kriminal, antishqiptar dhe paratë e vëna dhe për këtë askush nuk e mund dot atë. 

Ish ministri i Jashtëm, Aldo Bumçi ka deklaruar në Report Tv se qeveria transitore është kusht për opozitën në mënyrë që të krijohet një minimum besimi për të gjitha palët.

Cakaj nënvizoi jo vetëm kontributin historik të Shqipërisë në mposhtjen e forcave nazi-fashiste, por edhe kontributin e sotëm në shërbim të paqes, sigurisë dhe lirive e të drejtave themelore në botë.

Ambasadori gjerman në vendin tonë, Peter Zingraf në një intervistë për Raport Tv në emisionin "Pa Protokoll" tha se klasa politike duhet ta shfrytëzojë mirë këtë periudhë kohe në lidhje me reformën zgjedhore dhe se para qershorit të ketë adresuar rekomandimet e OSBE/ODIHR-it në mënyrë që të çojë një mesazh pozitiv në Bruksel.  

Qeveria me vendim të Këshillit të Ministrave i kaluar Bashkisë Tiranë truallin e Teatrit Kombëtar, për të krijuar një teatër të ri me standarde moderne dhe bashkëkohore. I menjëhershëm ka qenë reagimi i Partisë Demokratike duke e cilësuar këtë vendim kriminal që tjetërson pasurinë kulturore.

Gazetari dhe botuesi i gazetës “TemA” Mero Baze, ka reaguar menjëherë pas sulmit të ish kryeministrit Sali Berisha duke e cilësuar atë si 'tentakul mafioze e narkoshtetit mbi mediat'.

Nga

Klesiana Omeri

Kryetari i Komisionit të Ligjeve Damian Gjiknuri në një intervistë për Report Tv tha se puna e tryezës së reformës zgjedhore do të mbyllet brenda majit. Lidhur me kushtin e panegociueshëm të PD-së për qeveri transitore, Gjiknuri u shpreh se kjo çështje nuk do të ketë diskutim në takimin që do të zhvillohet online të hënën.

Deputetja e LSI, Silva Caka tha se mazhoranca po bën lojëra duke mos u impenjuar për pesë propozimet e opozitës jo parlamentare, ndërsa krijimi i Këshillit Politik është bërë me këmbënguljen e ndërkombëtareve.

Marrja e meritave nga Partia Demokratike se me ndihmën e saj studentët bindën qeverinë për shtyrjen e zgjedhjeve në universitete, ka reaguar ministrja e Arsimit, Besa Shahini, e cila tha se këto 'beteja' opozitare janë absurde që sajojnë kauza të paqena.

Ruçi tha se Shqipëria ka arsye të jetë krenare pasi gjatë Luftës së Dytë Botërore u rreshtua në anën e duhur të historisë duke bërë që partizanët shqiptarë të jenë aleatë të çlirimtarëve të Europës.

Ambasadorja e SHBA-së,Yuri Kim ka përshëndetur nisjen e punës së Gjykatës së Lartë, pas më shumë se një viti e bllokuar. 

Ilir Meta ka përkujtuar me një mesazh 75-vjetorin e fitores mbi nazi-fashizmin

Vitin tjetër zbret avioni i parë në aeroportin loë Cost të Kukësit!

Partia Demokratike shprehet se me mbështetjen e opozitës pedagogët dhe studentët fituan betejën duke detyruar qeverinë që të tërhiqet nga zgjedhjet.