Politikë

Neomalësorja, kandidate në listën e mbyllur, foli për rezultatin e zgjedhjeve më 11 maj. Në një intervistë për Report TV, ajo tha se PS ka bërë punë të mira në Shkodër në dy vitet e fundit. 

Kryeministri Rama i është përgjigjur urimit të Macron në shqip, me një mesazh në frëngjisht. Rama thotë se mesazhi i tij ka rëndësi të madhe jo vetëm për të por edhe marrëdhëniet mes dy vendeve. 

PS ka reaguar për herë të parë pas deklaratës së Sali Berishës se zgjedhjet ishin të diktuara nga krimi. PS ironizon me një video, ku përmblidhen deklaratat e Berishës nga ’97 e deri më sot, dhe ku flet për vjedhje dhe refuzon të pranojë humbjet.

Kreu i Komisionit Qendror të Zgjedhjeve, Ilirjan Celibashi, një reagim publik për anëtarët e grupeve të numërimit dhe të KZAZ-ve, u ka bërë thirrje të kryejnë detyrën në përputhje me ligjin dhe udhëzimet e KQZ-së

Teksa shpreh mbështetjen që ka marrë deri më tani, Braçe apelon numëruesit që të lexojnë drejt çdo votë dhe të mos bëhen pjesë të proceseve që mund t’i përballin me ligjin.

Sali Berisha një ditë më parë doli në një konferencë për shtyp dhe deklaroi se nuk njeh zgjedhjet, pasi sipas tij PS përdori bandat për të blerë vota. Por po të shohësh listën e kandidatëve të Sali Berishës, në qarkun e Durrësit kandidati më i votuar i listës së hapur është ish-prokurori Arjan Nodoj, i shkarkuar nga KPK për lidhje me krimin e organizuar. 

Partia e Lirisë pritet të ketë 4 mandate deputeti në Kuvendin e ardhshëm por për Ilir Metën kjo mund të konsiderohet rezultati më i dobët në historinë e tij politike. Në Tiranë votat për të, si kandidati i vetëm i PL, janë më pak se 1/4 e votave të 2021-shit. Meta mbetet kështu pa mandat dhe në burg.

Është zbardhur vendimi i Komisionit të Ankimimeve dhe Sanksioneve (KAS) që rrëzoi kreun e KQZ-së Ilirjan Celibashi për ‘bllokimin’ e numërimit të votave të Greqisë. Në dokumentin e zbardhur, KAS thotë se vendimi i kryekomisionerit është nxjerrë në kundërshtim të Kodit Zgjedhor, pasi kjo kompetencë i takon Rregullatorit. 

Në një prononcim për mediat, Gjoni i bëri thirrje Prokurorisë së Posaçme që të hetojë pasi në qarkun ku dhe ai kandidoi u shitën votat deri në 500 euro.