Politikë

Në bashkëbisedimin me ndjekësit, Rama ironizoi rezolutën e propozuar nga PD dhe të miratuar nga PPE, teksa tha se boria e parë e humbjes në zgjedhje ra dje. Ai ironizoi edhe programin e PD, duke thënë se janë ‘përralla me buf e Latif’. Shënjeshtroi edhe partitë e reja, duke thënë se janë imitime të një partie që deri dje ishte e treta e vërteta.

Monika Kryemadhi e ftuar në emisionin “Dekalog nga Roland Qafoku në DritareTV sulmoi Tedi Blushin, të cilin e akuzon se ka shkatërruar partinë.

Kandidat i PD Asllan Dogjani, tha se nga takimet që është duke zhvilluar në terren problemi kryesor që has është varfëria. Ai tha se shumica e familjeve shqiptare po përballen me një situatë të rëndë ekonomike. Kandidati i PD Ethem Aga, tha se problemi kryesor që ka vendi sot është shpopullimi. 

Në emisionin e mbrëmjes ishin të ftuar dy kandidatë për deputetë të listës së qarkut të Tiranës, për Partinë Socialiste, Xhemal Qefalia dhe Kejsi Elezi.

Basha tha se problemi është që kësaj radhe, vota për Berishën, del Vis Roshi deputet. Sipas tij, edhe pse thonë se është ‘çuni i xhajës’, realisht është rikthimi i të njëjtit model që është larguar me ligjin për dekriminalizimin.

Nga Astiri, kreu i Partisë Demokratike, Sali Berisha, i bëri thirrje kryesocialistiti Edi Rama që të përballet me të në debat. Kreu i PD-së e akuzoi Ramën për mungesë transparence dhe pasuri të pajustifikuara. Ai akuzoi qeverinë se e ka lënë këtë zonë në harresë. 

Berisha ka takuar ditën e sotme në Valencia në mbledhjen e Partive Popullore, ish-komisionerin për Zgjerim, Johanes Hahn. Kreu i Partisë Demokratike, e ka shitur si sukses takimin me Hahn, ndërkohë dikur ai ka qenë objekt i sulmeve të Berishës.

E hartuar nga përfaqësuesit e PD në PPE, në rezolutë thuhet se partitë e djathta shprehin shqetësimin për situatën politike në prag të zgjedhjeve që lidhet me keqpërdorimin e burimeve shtetërore, blerjen e votës dhe shkeljen e fshehtësisë. 

Drejtuesi politik i PD në qarkun Fier, Gazment Bardhi gjatë takimeve me qytetarë në Fier ka denoncuar rritjen këtë vit të taksave dhe tarifave vendore, edhe pse xhiro e bizneseve sa vjen e ulet

Deputetja Jorida Tabaku, e cila garon sërish në zgjedhjet e 11 majit në Qarkun Tiranë, ka zhvilluar ditën e sotme takime me banorë të zonës “Vasil Shanto”.

Në zgjedhjet parlamentare të 11 majit, ka shumë emra të rinj, që synojnë të jenë pjesë e parlamentit të ardhshëm. Persida Shkrepa, është kandidate e Partisë Socialiste në kryeqytet. Arkitekte me profesion, ajo zgjodhi të përfshihet në garë, pasi aplikoi në portalin “Deputeti që duam”. Marsela Karapanxho dhe grupi i xhirimit te Frontline, ndoqën nga afër një ditë të aktiviteteve të shumta të kandidates për deputete të Partisë Socialiste Persida Shkrepa.

Kandidati i PS për Tiranën, Blendi Gonxhja, ishte i ftuar këtë të mërkurë në Report Tv, ku ndër të tjera foli edhe për votën e diasporës.