Politikë

Në takimin e Sali Berishës, ku duhej të nderohej Papa Françesku, para se të mbahej 1 minutë heshtje, fillimisht nga të pranishimit u dëgjuan sharje. Më pas, Berisha dhe Paloka kishin rezervuar fjalime me ofendime kundrejt kryeministrit Rama.

Sali Berisha i vijoi takimet me gratë dhe njësinë nr.11 të Tiranës, ku nuk la pa sulmuar kundërshtarin e tij politik. Edi Ramën e akuzoi për një fushatë banale dhe se paqja fiskale e propozuar prej tij, favorizon botën e krimit. 

Ai shpjegoi se ky hap është një stimul i nevojshëm për biznesin e vogël, megjithatë, theksoi se kjo masë vetëm nuk do të mjaftonte nëse bizneset vazhdojnë të përballen me rënie të xhiros dhe fuqisë blerëse. Për këtë arsye, Basha foli për planin që përfshin eliminimin e abuzimeve nga inspektoriate dhe institucione shtetërore, duke vendosur pulla fiskale në ambientet e jashtme të biznesit të vogël dhe duke e bërë të paligjshme praninë e çdo inspektori tatimor.

Kryetari i Partisë Demokratike, Sali Berisha vijoi me takimet elektorale, në ndryshim nga PS që i anuloi duke qenë se Shqipëria shpalli ditë zie në nder të Papa Françeskut.

Nga

Raziela Myslimaj

Kryesocialisti Rama zhvilloi një takim informal me strukturat e PS në Tiranë, ku i kërkoi kandidatëve për deputetë të shmangin ndërhyrjet në zonat e njëri-tjetrit, por të fokusohen tek numri 5 i PS.  Kreu i PS-së kërkoi të mbahen kontaktet me diasporën që të sigurohet se emigrantët e ushtrojnë të drejtën e votës pa hasur në problematika.

Doda njofton se i është nënshtruar një ndërhyrjeje kirurgjikale. Ajo falënderon stafin e mjekëve dhe është shprehur se është ndjerë sikur të ishte shtruar në një strukturë spitalore europiane.

Elvis Roshi në takimin elektoral të Sali Berishës në Kavajë. Ish-kryebashkiaku socialist po bën fushatë për djalin e xhaxhait, Elton Roshi që kandidon me Berishën.

Komisioni Qendror i Zgjedhjeve ka ndarë një njoftim për votuesit në Greqi, të cilët i njofton se kompania postare DHL, u ka dërguar një njoftim në email ose numrin e telefonit, me të dhënat e dorëzimit të zarfit të votimit.

Shqipëria ka shpallur të shtunën ditë zie kombëtare për ndarjen nga jeta të Papa Françeskut. Për nderime në Vatikan, Presidenti Begaj dhe krerët e besimeve fetare. Rama shtyn takimet e fushatës në respekt të zisë kombëtare. Berisha i vijon pa muzikë dhe me 1 minutë heshtje.

Pamjet janë filmuar me celularë në distancë, prandaj Xhelal Mziu nuk identifikohet qartë, por dëshmitarë okularë në vendin e ngjarjes bëjnë me dije për Report Tv se këto pamje i përkasin episodit të parë të dhunës para Njësisë Administrative Ostren.

Zëdhënësja e Partisë së Lirisë, Dea Nako, deklaroi se sistemi arsimor në Shqipëri po përjeton një krizë të thellë që rrezikon të ardhmen e brezave të rinj dhe zhvillimin e vendit. Ajo theksoi mungesën e investimeve, largimin e mësuesve të kualifikuar dhe politikat e paqarta si faktorët kryesorë që po e dëmtojnë arsimin publik.

Presidenti i Partisë së Lirisë, Ilir Meta, në një postim në Facebook, shkruan se pak ditë më parë e ka uruar Nënë Selvinë për 100-vjetorin e saj të lindjes, por mësoi me shqetësim se pensioni i saj, i mjeruar, është rritur vetëm 200 lekë në një vit.

Partia Demokratike dhe aleatët e saj prezantuan sot në Kavajë kandidatët për deputetë të qarkut të Tiranës në zgjedhjet parlamentare të 11 majit. Sali Berisha s'i mblodhi mbështetësit në shesh të hapur, por në një rrugicë. Këtë herë PD kishte thirrur për fjalime edhe disa përfaqësues partive simotra të PPE, deri dhe nga Venezuela. Mes tyre dhe i përhershmi Brook, që tha se "Berisha e ka çuar përpara Shqipërinë"

Deputeti i PD Edmond Spaho, ka ngritur një akuzë ndaj PS në Maliq, duke denoncuar se qytetarëve u shpërndahet miell në këmbim të votës. Gazetari Xhensil Shkëmbi është përgjigjur duke sqaruar se ndihmat janë për familjet në nevojë. Edhe Kisha Ungjillore Libonik-Maliq, e cila ka mohuar se ndihmat janë për qëllime vote.