POP 5

Lajmet më të lexuara të 5 minutave të fundit

Sport

1 javë festë në Vlorë, çelet sezoni turistik! Bregdeti i dedikohet turizmit, në Vlorë ‘Beach Volley’, ‘Triathllon, ping-pong e muzikë

Vlora iu pret në një javë aktivitete sportive, muzikë dhe argëtim në çeljen e sezonit të ri turistik. Këngëtarët më të njohur iu presin në koncert në 10 maji, por argëtimi vijon me volejboll në plazh, ping-pong e aktivitete përgjatë Lungomare.

Si asnjëherë më parë çelja e sezonit turistik në Vlore do zgjasë për një javë dhe do kulmojë me aktivitet sportive dhe kulturore.

“Në vite ishim mësuar se bëhej një çelje vetëm një ditore. Me një koncert muzikor ose diçka e tillë. Tani ne përgjatë një jave që çelin sezonin turistik kemi edhe sport, edhe teatër me festivale të ndryshme. Çdo natë ka nga një koncert, një DJ, një këngëtar të famshëm që do kulmojë me datën 10 që do jenë 4 artistë të mirënjohur shqiptar që do performojnë këtu ku jemi”, tha Klevis Kaso, zv/kryetar i Bashkisë Vlorë

Këtë vit Vlora është zgjedhur si qyteti Europian i Sportit dhe duke përfituar nga kjo mundësi, aktivitetet sportive do jenë kryefjala këtë javë në qytetin bregdetar.  

“Do jenë sportet universitare, që do luajnë Beach Volley për të përcaktuar fituesit. Do ketë çifte nga të gjithë vendet ballkanike dhe dy çifte nga Italia. Përveç kësaj kemi Thriallon që bëhet për herë të parë në Lungomare. Do kemi ping-pong, cross country, do vrapojnë të gjithë fëmijët e shkollave në pyllin e Sodës. E gjithë vija bregdetare do i jetë përkushtuar sportit. Do kemi kampionatin kombëtar të tenisit me datë 11 dhe 12”, Kaso.

Aktivitet sportive dhe kulturore në Vlorë kanë nisur që me datën 7, ndërsa të premten e 10 majit në qytet do performojnë këngëtarë si Xhensila Myrtezaj, Elgit Dodaj dhe Bruno Pollogati.

 

K.T./E.B/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A jeni dakord që personat e së njëjtës gjini të martohen ligjërisht?

Lajme të tjera



×

Lajmi i fundit

Dosja britanike e Berishës 'non-grata'! Zbulohen lidhjet korruptive dhe me bosin hasian të krimit në Londër

Dosja britanike e Berishës 'non-grata'! Zbulohen lidhjet korruptive dhe me bosin hasian të krimit në Londër

20 Maj, 19:39