Namik Dokle e ka braktisur prej kohësh sallën e parlamentit, por kjo e fundit ‘e përndjek’ herë pas here. Në një intervistë në “Studio Live” në Report Tv me gazetarin Ermal Qori, kur pyetet sesi i ka marrëdhëniet me ‘dashurinë’ e dikurshme, thotë: Unë jam larguar nga politika, por jo ajo nga unë.

Kur Dokle bën një bilanc të ndryshimeve të 10 viteve të fundit në politikë, nënvizon vetëm diccka: nevojitet kulturë.

“Për t’i dhënë përgjigje kësaj pyetjeje duhet një natë dimri sepse kanë ndryshuar shumë gjëra, shumë faktorë, gjërat që kanë çuar në këto ndryshime dhe s’po hyj në thekra, por ajo që më bën përshtypje, politika ka nevojë shumë më tepër sot për kulturë e humanitet. Qëkur kam botuar romanin e parë ‘Vajzat e mjegullës’, isha në kohën e fundit të mandatit dhe në kohën që botova librin bëra një deklaratë unë nuk kandidoj më! U mora me letërsinë sepse kisha një ëndërr e projekt të parealizuar“, tha ai.

Për këtë, sheh që mundësia janë të rinjtë në politikë.

“Mundësitë janë që djem e vajza me kulturë, ka plot Shqipëria e disaspora, të jenë në politikë”, tha Dokle.


Lajmi kryesor:

Kapitulli i ri i Namik Dokles pas politikës: Nuk shkruaj çdo ditë! Njëri libër nisi me një faqe, s’e preka mbi 6 muaj!