POP 5

Lajmet më të lexuara të 5 minutave të fundit

Kronikë

11 tetor fillon viti i ri akademik, Kushi apel studentëve për vaksinimin: Zgjidhja më e mirë për rikthimin në auditorë, të tregojmë nivel të lartë përgjegjshmërie

Teksa viti i ri akademik fillon më 11 tetor, përmes një video-mesazhi të publikuar në rrjete sociale, Ministrja e Arsimit dhe Sportit, Evis Kushi, së bashku me studentë e pedagogë, kanë bërë një apel për rëndësinë e veçantë që i duhet kushtuar vaksinimit përgjatë këtij muaji me qëllim rikthimin sa më parë normalitetit dhe jetës akademike në auditorët e universiteteve.

Teksa viti i ri akademik fillon më 11 tetor, përmes një video-mesazhi të publikuar në rrjete sociale, Ministrja e Arsimit dhe Sportit, Evis Kushi, së bashku me studentë e pedagogë, kanë bërë një apel për rëndësinë e veçantë që i duhet kushtuar vaksinimit përgjatë këtij muaji me qëllim rikthimin sa më parë normalitetit dhe jetës akademike në auditorët e universiteteve.

Ndërsa ndalet tek sakrifica e madhe vitin e kaluar me mësimin “online”, njëlloj si në mbarë botën, Ministrja Kushi falënderon fillimisht të gjithë studentët e pedagogët për durimin dhe mirëkuptimin e treguar nga ana e tyre në të gjitha universitetet për bashkëpunimin dhe përshtatjen në një kohë rekord me kushtet e reja. Ndërkohë, ajo shprehet se sot kemi një situatë tjetër për shkak të procesit të vaksinimit.

“E ndërkohë sot, fatmirësisht kemi një situatë krejt tjetër. Edhe pse lufta me pandeminë vazhdon, procesi i vaksinimit masiv po na ndihmon të shkojmë drejt normalitetit në shumë fusha të jetës, përfshirë edhe arsimin, ku tashmë shumica e mësuesve, pedagogëve e studentëve në të gjithë vendin i janë bashkuar çdo ditë e më shumë kësaj fushate”.

Në video-mesazh, Kushi nënvizon rëndësinë e të qenurit të gjithë bashkë duke treguar nivel të lartë përgjegjshmërie dhe qytetarie përmes vaksinimit.

“Sepse koha kërkon që të jemi të gjithë bashkë, të tregojmë nivel më të lartë përgjegjshmërie e qytetarie. Nëse dje, mbyllja e auditorëve ishte një emergjencë shëndetësore, sot hapja e tyre është po aq e rëndësishme dhe e domosdoshme. Prandaj, për të arritur këtë, dua t’ju rikujtoj edhe njëherë vendimin e ekspertëve të shëndetësisë që të gjithë studentët dhe pedagogët do të jenë të mirëpritur të hyjnë në auditorë për të zhvilluar jetën universitare pasi të kenë dorëzuar certifikatën e vaksinimit. Dhe natyrisht, duke respektuar të gjitha protokollet e miratuara shëndetësore. Testi periodik i PCR mund të jetë një opsion i pranueshëm, por unë ju rekomandoj me shumë këmbëngulje vaksinimin si zgjidhjen më të mirë për të gjithë ne, duke u bazuar edhe në rezultatet e shkencës, por edhe në praktikat më të mira të vendeve të zhvilluara”, tha Kushi.

Në fund të video-mesazhit, përsëritet apeli i studentëve dhe pedagogëve për t’u vaksinuar me qëllim mbrojtjen e vetes, bashkëmoshatarëve, kolegëve, familjarëve etj., teksa Ministrja Kushi shpreh besimin e saj se studentët e pedagogët ende të pavaksinuar do të përmbushin shumë shpejt e me sukses këtë përgjegjësi e  detyrë patriotike për një të ardhme më të mirë e më të sigurt. 

/KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Rama në Londër: Nismë ligjore për rikthimin e emrit të shqiptarëve të regjistruar si kosovarë në Britani

Rama në Londër: Nismë ligjore për rikthimin e emrit të shqiptarëve të regjistruar si kosovarë në Britani

24 Nëntor, 14:00