Pioneri i romantizmit shqiptar, Lasgush Poradeci u nda nga jeta në moshën 87 vjeçare në Tiranë. 37 vite pas vdekjes së poetit të dashurisë dhe të liqenit, pak kush mund ta mendonte se ai do të shfaqej sërish njëlloj sikur të ishte gjallë.

Një avatar i tij, është krijuar përmes inteligjencës artificiale, nga një djalë i talentuar vetëm 12 vjeçar.

“Kam mësuar që 9 vjeç e vazhdoj studioj akoma”, thotë 12-vjeçari.

Përmes historisë së jetës së Lasgush Poradecit dhe veprave më të bukura të tij, i vogli, ka arritur që me imazhin dhe zërin e poetit të përçojë mesazhe ndaj rinisë

“Bij të Shqipërisë së sotme. Jam kthyer nga qetësia e yjeve, heshtja e liqerit, për t’ju folur të rinjve që mbani fatin e vendit. Mos u largoni nga fjala, nga libri”, thuhej në mesazhin e krijuar me Inteligjencë Artificiale.

Inteligjenca artificiale i sjell vajzave të Lasgushit një mesazh krenarie që shumë fëmijë do donin ta dëgjonin nga prindërit e larguar nga kjo botë.

“Ju nuk jeni vetëm vazhdimi i qenies dhe gjakut tim, por dhe krenaria ime. Tek ju shoh nga larg këtu ku jam mes yjesh, lumturohem së bashku me nënën tuaj”, thuhej në mesazhin e krijuar me Inteligjencë Artificiale.

Përmes inteligjencës artificiale, 12-vjeçari Deon Gjoka ka realizuar edhe një dokumentar të plotë për poetin e dashurisë, duke na e sjellë Lasgush Poradecin që nga fëmijëria e deri në vitet e fundit të jetës së tij.

E bija e Lasgushit, Marie Gusho rrëfen se po përmes inteligjencës artificiale do të botojë një vepër kushtuar krijimtarisë së të atit.

“Është një botim që po e përgatis me inteligjencë artificiale, me analizë të poezive të babit tim, që mendoj se do të jetë i nevojshëm për fëmijët në shkolla”, tregon ajo.

Lasgush Poradeci u kujtua në një aktivitet të veçantë në galerinë e artit digjital në Korçë, organizuar nga nxënës të shkollës “Sevasti Qiriazi”.

SI.E./I.M/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 3 Dhjetor, 08:56

    Çfarë mendoni për lëvizjen e Salianjit brenda PD?

Lajme të tjera