POP 5

Lajmet më të lexuara të 5 minutave të fundit

Sport

153 ditë i dëmtuar, agjenti ndez 'dritën jeshile' për Kumbullën: Ka kaluar kohë të vështira, ja kur rikthehet në fushë

Ishte 29 prilli i këtij viti, kur Marash Kumbulla do e niste titullar ndeshjen Roma - Milan në "Olimpico". Mbrojtësi i Kombëtares u besua nga Jose Mourinho për një fanellë titullari, teksa nuk mundi të mbyllte 90 minutat.

153 ditë i dëmtuar, agjenti ndez 'dritën jeshile' për Kumbullën: Ka kaluar kohë të vështira, ja kur rikthehet në fushë

Dëmtimi i Marash Kumbullës

Ishte 29 prilli i këtij viti, kur Marash Kumbulla do e niste titullar ndeshjen Roma - Milan në "Olimpico". Mbrojtësi i Kombëtares u besua nga Jose Mourinho për një fanellë titullari, teksa nuk mundi të mbyllte 90 minutat. Në një dyluftim me Giroud, 23-vjeçari u dëmtua dhe la fushën mes lotëve.

Dëmtim në ligamentet e gjurit, kjo ishte diagnoza që asnjë sportist nuk dëshiron të dëgjojë. Pas operacionit, mbrojtësi i Kombëtares i është nënshtruar një fazë rikuperimi, me ushtrime jo shumë të forta.

Plot 153 ditë ka Kumbulla që nuk zbret në fushën e lojës, duke munguar 18 ndeshje për Romën. Historiku i tij me dëmtimet daton prej nëntorit 2019 kur ishte pjesë e Veronës, teksa kjo është periudha e nëntë dhe më e gjata që ai mungon në fushë. Nëse herët e tjera ai ka munguar për maksimumi një muaj, lëndimi i fundit ka bërë që Kumbulla të jetë jashtë për shumë gjatë.

Në lidhje me rikuperimin e mbrojtësit nga Malësia e Madhe ka folur edhe menaxheri i tij. Gianni Vitali, për "TMW" tha se rikuperimi po shkon mirë dhe se Kumbulla kërkon të jetë sa më parë në fushë.

"Ka shumë dëshirë dhe procesi i rikuperimit po shkon mirë. Stafi i Romës është në lartësinë e duhur dhe dëshira e lojtarit është e madhe që të rikthehet sa më shpejt", tha Gianni Vitali.

Menaxheri thekson rëndësinë që ka patur lindja e vajzës në këtë rrugëtim të vështirë të Kumbullës.

"Marashi ka kaluar ditë të vështira, por ardhja në jetë e vajzës ka bërë që ai të fitojë më shumë moral dhe të bëjë durim për rikthimin në fushë. Si Roma dhe lojtari nuk duan që të nxitohen dhe mendoj se rikthimi i tij në fushë mund të jetë në muajt e parë të vitit që vjen", zbulon Vitali.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

U konfliktua me doganierin, nis hetimi për shefin e stacionit të Policisë Kufitare Kapshticë

U konfliktua me doganierin, nis hetimi për shefin e stacionit të Policisë Kufitare Kapshticë

14 Janar, 23:55