19% e punonjësve me pagë në Shqipëri paguhen nën kufirin e varfërisë 5.5 USD në ditë

19% e punonjësve me pagë në Shqipëri paguhen nën kufirin e varfërisë 5.5 USD në ditë

Foto ilustruese

Në Shqipëri gati gjysma e të punësuarve punojnë pa pagë në biznesin e familjes, por një kategori e madhe e të punësuarve morën paga mujore nën kufijtë e varfërisë më 2021.

Organizata Ndërkombëtare e Punës (ILO) në publikimin për pagat në nivelin e varfërisë verifikoi se, gati 17 për qind e të punësuarve në Shqipëri me pagë paguhen në intervalin 3.2-5.5 USD në ditë.

Shqipëria u rendit në vendin e 62 në mesin e 117 vendeve të botën për nivelin e varfërisë në punë. Gjithashtu vendi ynë numëron rreth 2 për qind të punësuarve që marrin nga 1.9-deri në 3.2 dollarë në ditë.

Të dhënat e institucionit ndërkombëtar që merret me treguesit e punësimit tregojnë se, në vitin 2021, gjithsej 19 për qind e të punësuarve në vend paguhen më pak se 5.5 USD në ditë ose rreth 130 dollarë në muaj.

Zakonisht kategoritë e punonjësve në varfëri punojnë në sektorët e bujqësisë dhe shërbime. Puna e tyre është e përqendruar në sezone dhe me paga shumë të ulëta.

Megjithëse kjo kategori punonjësish numërohet si e punësuar, të ardhurat e tyre nga puna janë nën kufirin e varfërisë relative 5.5 USD në ditë.

Teksa varfëria në botën e zhvilluar shpesh shoqërohet me papunësinë, varfëria ekstreme që ekziston në pjesën më të madhe të botës në zhvillim është kryesisht një problem i personave të punësuar në këto shoqëri. Për këta punëtorë të varfër, problemi është zakonisht ai i cilësisë së punësimit, shpjegon ILO.

Prandaj, ulja e varfërisë në përputhje me Objektivat e Zhvillimit të Qëndrueshëm kërkon rritjen e mundësive të punësimit dhe të të ardhurave të të varfërve që punojnë, atyre njerëzve që janë të punësuar, por nuk janë në gjendje të ngrenë veten dhe familjet e tyre mbi pragun e varfërisë.

Për shkak të strukturës së ekonomisë, puna në vendin tonë ka vlerë të ulët. Sipas statistikave kombëtare gati gjysma e punonjësve në vendin tone paguhet në nivelin e pagës minimale. Kjo ndodh pasi rreth 40 për qind e të punësuarve janë në sektorin bujqësor që kanë fitime shumë të ulëta nga puna.

Pagat në Shqipëri janë rritur me ritme të ulëta gjatë dekadës së kaluar, ndërkohë që karakterizohen nga një informalitet i lartë. Përveçse mijëra persona punojnë në informalitet total, deklarimi i pjesshëm i pagës për efekt tatimi është një fenomen i përhapur në vendin tonë./Monitor

B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Toni: 15/08/2022 13:13

    Katastrofe. E pastaj habiten perse shqiptaret akoma kerkojne azil ne Europe. Ketu nuk jetohet, e kryeministri le..n po na sjell bangladeshas. Antishqiptar i betuar.

    Përgjigju
  • Tata: 15/08/2022 10:55

    Ne bejme sikur punojme,ata bejne sikur paguajn. Thjeshte. Po ku punon shqiptari,kafenete plot pellembe rruge bosh nuk ke,vec kafene

    Përgjigju
    • 1 million: 15/08/2022 11:59

      1.5 milion shqiptar në Gjermani a kot I mban në pune shteti atje normal që punojne! Duhet të thuash cfsre prodhon shqiperia pervecse patronazhisteve vullnetar?

  • Dhendri i Besnik Bekteshit: 15/08/2022 10:25

    Pyesni sa paguhen punetoret qe po bejne punime ne rikonstruksionin e Piramides. Ne jeleket e punes shkruhet : Fusha shpk. Eshte ajo firma e ish prokurorit te Tiranes. Punetoret hane dy byreke dhe nje shishe dhalle dy veta. Me kaq e shtyjne gjithe diten se kane kalamaj peer te rritur. Rama pra, Rama...

    Përgjigju
  • Ska punonjes: 15/08/2022 10:15

    Po ku ka punonjes ne shqiperi? Une do filloj ti marre ne bangladesh o shoku!

    Përgjigju
  • Pensionisti: 15/08/2022 09:55

    Po pensionistet , propganda bajate e çdo qeverie per rritje pensioni eshte te ngopesh me luge bosh !

    Përgjigju
  • Dakord: 15/08/2022 08:59

    Kjo qe shkruhet ketu eshte thjesht nje e pavertete. As per te ujitur lulet kur iken me pushime nuk e gjen dot dike per 5.5$ ne dite. Shkurt paguhen ne te zeze ose sic quhet ndryshe "ne letra" dhe kjo eshte e keqja me e madhe qe e ka gjetur kete vend dhe qe kjo qeveri nuk po e zhben dot. Pa deklarim te ardhurash per cdo shtetas, nuk do kete kurre zhvillim ky vend.

    Përgjigju
  • kastrati: 15/08/2022 08:00

    As rrogen minimale ste jep Shmel Expres(Kastrati)ben 20 km vajtje-ardhje ne pune e as leket e rruges nuk japin.Punojne turni 3 me rroge 30 mij lek.

    Përgjigju
  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Shpërthen bombola e gazit, merr flakë apartamenti në Patos, nuk ka të lënduar

Shpërthen bombola e gazit, merr flakë apartamenti në Patos, nuk ka të lënduar