POP 5

Lajmet më të lexuara të 5 minutave të fundit

Sociale

2 tualete në gjithë katin! Gratë braktisin maternitetin, nga Fieri për të lindur në Tiranë

Në maternitetin e Fierit janë shënuar 29 lindje më pak në 6 muajt e parë të 2024, krahasuar me të njëjtën periudhë të vitit të kaluar. Shumë gra zgjedhin të lindin në Tiranë pasi spitali nuk ofron kushte të përshtatshme dhe ka nevojë për rikonstruksion.

Për shkak të kushteve jo të përshtatshme higjieno-sanitare në Maternitetin e Fierit, shumë nëna e shmangin lindjen e foshnjës aty, duke u drejtuar në Tiranë. Shefja e maternitetit të Fierit Kozeta Rama, thotë se kushtet lënë për të dëshiruar, pasi janë dy tualete në gjithë katin, çka është një vështirësi më shumë për nënat që sapo kanë lindur.

“Ne e kemi ngritur zërin dhe mendojmë që kjo të rregullohet shumë shpejt pasi është premtuar një rikonstruksion i maternitetit edhe nga ministria e Shëndetësisë, e cila ka qenë këtu dhe ka parë kushtet  dhe ka premtuar që do të fillojë rikonstruksioni i këtij materniteti”, shprehet Kozeta Rama, shefe e maternitetit Fier.

Sipas të dhënave në Maternitetin e Fierit ka pasur rënie të numrit të lindjeve gjatë 6 mujorit të parë të 2024, ku kanë lindur 464 foshnja, ndërsa në 2023 për të njëjtën periudhë ka pasur 493 lindje.   

G.M./M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Tiranë/ Organizonin baste dhe lojëra fati, vihen në pranga 6 persona

Tiranë/ Organizonin baste dhe lojëra fati, vihen në pranga 6 persona

24 Nëntor, 09:55