21 janari, ish-kreu i SHISH, Klosi: Urdhrin për të qëlluar protestuesit e ka dhënë Berisha dhe jo Basha! Ishte përgatitur për dhunë, gardistët i siguroi se do t’i mbronte

Sot shënohen 11 vite nga 21 janari ku mbetën të vrarë katër protestues të opozitës asokohe PS gjatë protestave para kryeministrisë kundër qeverisë së PD. Ish-kreu i Shërbimit Informativ të Shtetit, Fatos Klosi, i ftuar në emisionin 'Sot Live në Shqipëri', nën drejtimin e Andi Kapxhiut, tha se urdhrin për të qëlluar protestuesit e në ‘Bulevard’ në protestën e 21 janarit e ka dhënë Sali Berisha. Klosi tha se gardistët vetëm Sali Berisha mund t’i urdhëronte dhe t’i bindeshin, pasi e dinin se ai do t’u siguronte edhe mbrojtjen.

‘U gjujt me urdhër të Sali Berisha, jo nga Lulzim Basha, i cili ishte ministër i Brendshëm. Vetëm Berisha kishte atë tagër të jepte urdhër dhe ta dëgjonin. Pasi garda nëse, urdhri është i çuditshëm ato nuk e zbatojnë. Vetëm Berisha e kishte atë fuqi. E dinin ato gardistë se Sali Berisha mund ti mbronte edhe pse shkelën ligjin. Urdhri është dhënë kur ka pasur me pak rrezik dhe u qëllua nga kryeministria. Berisha në nxitim e sipër meqë po i ikte rast nga dora ka dhënë këtë urdhër për të qëlluar. Mesazhi i Berishës ishte që ai të tregonte se po komandonte. Berisha ishte i përgatitur që të ushtronte dhunë. Kam qenë aty dëshmitar okular. Asnjë nga protesta nuk u fut brenda gardhit të kryeministrisë, ku ishte nevoja për të gjuajtur.’- tha Klosi.

Klosi u shpreh se ende nuk është bërë drejtësi, pasi Sali Berisha bëri gjithçka për t’i fshehur të gjitha faktet e asaj proteste dhe është shumë e qartë ato që i fshijnë provat e ndjenin veten fajtorë.

‘Absolutisht nuk është bërë drejtësi, nuk u zbardh kush ka dhënë urdhrin, sepse gardistët nuk kishin pse të qëllonin pasi e dinë që nuk u lejohej që të qëllonin dhe atë e di çdo gardist, aty duhej vetëm një urdhër i fuqishëm që do të bënte edhe mbrojtjen e tyre më pas.  Berisha bëri gjithçka për t’i fshehur të gjitha faktet e asaj proteste, është shumë e qartë ato që i fshijnë provat e ndjenin veten fajtorë.’- u shpreh Klosi.

M.Q./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A mendoni se Presidenti i ri do të jetë një prej emrave të propozuar nga opozita?



×

Lajmi i fundit

John

10 mln euro grante për Start Up-et për sipërmarrësit e rinj, ministrja Bilali në ‘Pa Protokoll’: Aplikimet të hapura që nga 16 maji, ja 3 kategoritë që përfitojnë