Garantimi i sigurisë kombëtare, ruajtja e paqes, angazhimi në misione ushtarake jashtë vendit por edhe menaxhimi i fatkeqësive natyrore brenda Shqipërisë kërkojnë rritje të forcave të armatosura.
Në Komisionin e Ekonomisë ku u miratua projektligji për organizimin dhe funksionimin e Forcës Rezerviste në Republikën e Shqipërisë, ministri i Mbrojtjes Pirro Vëngu foli me shifra për kapacitetet aktuale të Forcave të Armatosura.
“Maksimali për forcat e armatosura duhet të jetë 12 mijë të rekrutuar dhe nga këto 10 mijë duhet të jenë të mobilizueshme, aktualisht ne kemi vetëm 6500 prej tyre të mobilizueshme, dhe përmes këtij projektligji synojmë të rrisim këtë forcë”, tha Vëngu.
Shqipëria synon të ketë 2100 rezervistë deri në vitin 2030 që do të angazhohen në misione jashtë vendit dhe për përballimin e fatkeqësive natyrore, ndërsa kostoja ditore për një rezervist përllogaritet mbi 1 mijë euro.
“Kosto fillestare për vitin 2025 parashikohet për aktivizimin e një kompanie me 125 vetë dhe është e vlerësuar të arrijë në masën 155.7 milionë lekë që është e reflektuar në plan-buxhetin 2025, dhe për çdo vit kemi shtesa për të arritur në objektivin e 2030-ës me katër kompani me nga 475 veta secila”, tha Pirro Vëngu, ministër i Mbrojtjes.
Por kjo faturë për deputetët është e lartë, por ministri Vëngu tha se rezervisti paguhet vetëm për ditët kur ai është në shërbim, dhe jo për gjithë vitin.
“Nga një kalkulim modest më rezulton se për çdo rezervist do të shpenzohen 105 mijë lekë të reja çdo muaj. Qëllimi në fakt është ula e kostove”, tha Mimi Kodheli.
“I bie 10 mijë euro në vit për person. Edhe çik më shumë. 1 mijë në muaj për një rezervist që do shërbejë për maksimalisht 40 ditë”, tha deputeti Dashamir Shehi.
“Po, kosto është rreth 1000 euro pasi përshihen nga uniforma te pajisjet personale, bashkë me rrogën dhe pagesat e ushqimit dhe karburantit. Do ti paguajmë rezervistët për sa kohë do të jenë të angazhuar, dhe jo për gjithë vitin. Pra aq sa ditë do angazhohen do paguhen.”, tha Vëngu.
Shteti e privati do të duhet të japin leje për punonjësit e tyre në ditët e shërbimit si rezervistë.
“Kohëzgjatja e shërbimit rezervistë do të jetë nga 14-45 ditë në vit, afati mund të jetë më i gjatë nëse do të kërkohen shërbime specifike, apo nëse do të shkojnë në misione. Shtetasit e angazhuar si rezervistë do të nënshkruajnë një kontratë dyvjeçare me të drejtën e rinovimit dhe kompanitë shtetërore dhe sipërmarrjet private do të jenë të detyruara të japin leje për punonjësit kur kërkohet angazhimi i tyre si forcë rezerviste pasi ka rëndësi të veçantë kombëtare”, tha Vëngu.
Për t’u bërë rezervistë të drejtën do ta kenë të gjithë shqiptarët e padënuar e po ashtu edhe ish-ushtarakët, po ashtu në këtë forcë do kenë mundësi të futen edhe shtetas shqiptar që jetojnë jashtë vendit. Sa i takon moshës do të pranohen deri në 50 vjeç për rezervistë, 55 vjeç për nën oficer dhe 60 vjeç për oficer. Në projektligj janë parashikuar edhe gjoba nga 10 deri në 50 mijë lekë kush nuk përmbush detyrimet si rezervist.
Lajme të tjera
-
Ishin bllokuar mes borës në malin e Korabit, ushtria shpëton 3 banorë bashkë me tufën e kuajve (VIDEO)
29 Nëntor, 10:22 -
Komisioni i Ligjeve miraton nismën për Forcën Rezerviste, ministri Vëngu: Synojmë rreth 2100 deri në vitin 2030! Rezervistë edhe në diasporë, misione jashtë vendit
26 Nëntor, 16:36
-
Nisja e kontingjentit EOD drejt Letonisë, Vengu: Jeni mburoja dhe forca e të gjithëve
26 Nëntor, 16:05 -
Programi Albadapt për rreziqet ndaj klimës, 35 milionë euro nga qeveria gjermane! Kumbaro: Modernizim i infrastrukturës digjitale! Vengu: Të përfshijmë vullnetarët
25 Nëntor, 13:50 -
Ministri Vengu takime me zyrtarë të lartë në SHBA: Shqipëria e angazhuar për forcimin e bashkëpunimit në mbrojtje dhe sigurinë globale
23 Nëntor, 19:32 -
Moti i keq, Ministria e Mbrojtjes: Situata është qetësuar dhe po shkon drejt normalizimit
22 Nëntor, 19:02 -
Stuhi në gjithë vendin/ Mijëra banorë pa drita! Anulohen lundrimet Durrës-Bari! Mbyllet spitali i Pukës, uji hyn në pavijone! Dukagjini në izolim (VIDEO)
22 Nëntor, 10:11 -
Bruksel/ Shqipëria dhe BE miratojnë Partneritetin e Sigurisë dhe Mbrojtjes! MEPJ: I hap rrugën rritjes së bashkëpunimit në fusha kyçe
19 Nëntor, 22:40 -
Si do shpenzohen 8.2 mld euro në vitin 2025? Ja shpërndarja e buxhetit, institucionet që marrin më shumë lekë
19 Nëntor, 19:21
-
‘Urban Operation 24’, Toga e Këmbësorisë mbyll me sukses stërvitjen në Bullgari, Vengu: Dëshmi e investimit në ushtri, angazhim për paqe dhe stabilitet bashkë me NATO-n (VIDEO)
17 Nëntor, 16:04 -
Stërvitja 'SAR RESPONSE 2024', Ministria e Mbrojtjes: Përgjigjje efektive ndaj çdo emergjence duke siguruar mbrojtjen e jetës
15 Nëntor, 10:36 -
Kush refuzon 3 herë punësimin, humbet ndihmën ekonomike! In vitro falas për 150 çifte, protezë gjiri 600 grave me kancer
12 Nëntor, 17:07
