Shqipëria përkujton sot 80-vjetorin e Çlirimit të vendit.

 Në Shkodër  80-vjetori i Çlirimit nuk ka kaluar pa simbolet komuniste në Shkodër.

Ashtu si edhe vitet kaluara idhtarët e Partisë Komuniste vendosën yllin si simbol të luftës nacional çlirimtare pranë Varrezave të Dëshmorëve. Gjon Bruçi, komunist tha se kishte kritika organzatorëve që nuk permendin emrin e Enver Hoxhes.

 “Të përmendësh luftën dhe të mos përmendësh Partinë Komuniste dhe shokun Enver hoxha, do të thotë të mos jesh këtu”, tha ai.

Bruçi u shpreh se ishin komunistët që sollën lirinë në vend dhe se në këto 34 vite Shqipërisë sipas tij është e pushtuar. I vetmi moment kur Shqipëria kishte liri e Pavarësi sipas Bruçit është gjatë periudhës të diktaturës komuniste.

“Sot është më keq sesa kjo vranësi që është sot”, tha ai.
I pyetur se nga kush jemi të pushtuar, ai u përgjigj: “Nga vetvetja, nga imperialistët amerikanë, nga imperialistët evropianë, nga Turqia

Ne ceremonine përkujtimore morën pjesë autoritetet vendore të Shkodrës dhe shoqatat e veteraneve të Luftës Nacional Çlirimtare.

Në Vlorë  u vendosen kurora me lule dhe nderuan 1032 dëshmorët, deputetët e PS, forcat e armatosura, drejtues lokalë dhe veteranët.

Në Fier deputetët e PS-së, drejtues lokalë dhe familjarë të dëshmorëve bënë homazhe në nder të 550 deshmorëve që dhanë jetën për atdheun

Në Lushnje duke sfiduar shiun veteranë, qytetarë, zyrtarë lokalë dhe deputetë nderuan kujtimin e dëshmorëve në Lushnje.

Në Lezhë - 80-vjetori i çlirimit të vendit nga pushtuesit nazifashist u përkujtua dhe në Lezhë. Veteranë, familjarët e dëshmoreve dhe përfaqësues të institucioneve kryen homazhe pranë varrezave të dëshmoreve.

Ceremonitë për 80-vjetorin e Çlirimit u zhvilluan të koordinuara, në orën 10:00 të 29 nentorit çdo qytet të vendit. Morën pjesë vetem socialsitet ne pushtet, ndersa opozita e kremton Diten e Çlirimit me 28 Nentor. Pjesëmarrja e qytetarëve ishte e ulët për shkak të motit me shi dhe erë.