TIRANË- Tre persona të armatosur kanë grabitur një kazino në rrugën “Hoxha Tahsim” në Tiranë.
 
Ngjarja ka ndodhur rreth orës 20:15 në kazinon që gjendet pranë ish-Profarmës.

Sipas burimeve nga dëshmitë e para të punonjësve të kazinos, autorët ishin të armatosur dhe kane shtrirë në dysheme të gjithë personat që gjendeshin aty.
 
Grabitësit janë larguar menjëherë pasi kanë marrë 38 mijë lekë të reja që kanë gjetur në kazino.
 
Policia ka marrë pamjet nga kamerat e sigurisë për të mundësuar identifikimin e autorëve dhe më pas kapjen e tyre.

Redaksia online
(e.sh/shqiptarja.com)