POP 5

Lajmet më të lexuara të 5 minutave të fundit

Kronikë

3 të vrarë në Fushë-Krujë, në makinën e viktimave u gjet një pistoletë! Lidhja me ekzekutimin e ish policit Reçi, mbesa e tij e fejuar me armikun e Martinajve

Për shkak dyshimeve se viktimat e masakrës së Fushë-Krujës, ishin përfshirë në disa ngjarje kriminale, hetuesit e kanë të vështirë të hedhin dritë mbi autorët e shkakun e saktë të saj. Por me daljen videos së vrasjes së ish-policit Xhelal Reçi në Lac, është zbuluar dhe lidhja midis viktimave në këto ngjarje.

Atentati me tre viktima në mbikalimin e Fushë Krujës ka rikthyer hetuesit në ekzekutimin e ish-policit Xhelal Reçi në Laç në datën 1 nëntor të vitit të kaluar, në përpjekje të zbardhjes së të vërtetës. Vrasja e 60-vjeçarit ka mbetur e pazbardhur, por dyshimet e policisë kanë qenë për përfshirje të Brilant Martinajt, njërit prej tre viktimave të Fushë Krujës, që nuk u provuan asnjëherë. Hetuesit shkojnë edhe më tej në analizë të konflikteve. Sipas tyre, Xhelal Reçi është xhaxhai i të fejuarës së një prej të fortëve që grupi i Martinajve e do të vdekur dhe për këtë arsye ish-polici është vrarë. Duke lidhur këto konflikte të së shkuarës mes grupeve kriminale, u hodhën dyshime se Brilant Martinaj ishte pjesëmarrës në vrasjen e Reçit. Për këtë ngjarje, vetëm tetë sekonda iu deshën atentatorëve për të eliminuar ish-policin Reçi.

Report Tv ka siguruar videon e atentatit të ndodhur gati 10 muaj më parë. Xhelal Reçi shfaqet në pamjet e kamerave të sigurisë në orën shtatë, dhjetë minuta e 37 sekonda me hap të ngutshëm për të hapur dyqanin. Makina e agresorëve ndalon në rrugë nëntë sekonda më vonë. Nga dyert e pasme të makinës dalin dy persona të maskuar, të cilët nisem me vrap drejt Reçit. Me kallashnikovë në duar ata qëllojnë në drejtim të tij dhe me shpejtësi largohen. Në makinë po i priste edhe një i tretë.

Duke hetuar mbi vrasjen e Reçit hetuesit shpresojnë të kapin detaje që do t’i ndihmoj për ngjarjen e dhunshme të 17 korrikut. Report Tv mëson se brenda makinës Volkswagen Passat të shkrumbuar të viktimave është gjetur skeleti i një pistolete, çfarë tregon se të rinjtë ruheshin, pavarësisht se ditën e vrasjes nuk u shërbeu për asgjë. 

Brilant Martinaj, Diklen Vata e Besmir Hoxha u qëlluan me rreth 60 plumba kallashnikovi në makinën Volkswagen Passat, me të cilën po lëviznin drejt Laçit. Nga breshëria e plumbave makina mori flakë dhe për pasojë prej tyre u shkrumbuan. Vetëm Vata mundi të dalë nga makina, por agresorët u rikthyen sërish dhe u siguruan të vdiste.

K.T./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • ndue dukagjini: 21/07/2022 20:04

    KA VEPRUAR KANUNI I LEKES KETU,,,GJAKU NUK HUP KURRE...PO VRAVE PRITE SE DO VRITESH....HAKMARRJA E KANUNIT ESHTE SHUME PREZENTE NGA LACI E LART NE VERI...../// po ku marrin vesh ndryshe keta pisa.....

    Përgjigju
  • Sondazhi i ditës: 21 Janar, 08:38

    14 vite nga vrasja e 4 protestuesve, do bëjë SPAK drejtësi për 21 janarin?

Lajme të tjera



×

Lajmi i fundit

Foshnja një ditëshe rrëmbehet në spital/ Çifti e vesh vajzën me rroba djemsh, prindërit përjetojnë orë tmerri

Foshnja një ditëshe rrëmbehet në spital/ Çifti e vesh vajzën me rroba djemsh, prindërit përjetojnë orë tmerri

22 Janar, 14:48