POP 5

Lajmet më të lexuara të 5 minutave të fundit

Kultura

32 vite mungesë, rikthehet Orkestra Simfonike e Shkodrës

Një natë magjike dhe plot emocione dhuroi për publikun shkodran rikthimi pas 32 vitesh mungesë i tingujve të muzikës se Orkestrës Simfonike të Shkodrës. Mbi 51 instrumentistë dhe emra të njohur vokal të muzikës shkodrane interpretuan në teatrin "Migjeni” të Shkodrës

Tingujt e Orkestrës Simfonike të Shkodrës janë rikthyer me një mbrëmje gala  madhështore në koncertin e saj të parë pas shumë vitesh në teatrin "Migjeni" në Shkodër.

Nga filmi "Skënderbeu" i Çesk Zadesë tek interpretimi i materialeve muzikore të emrave të njohur të kompozitorëve shkodran si: Prenkë Jakova, Tish Daija, Pjetër Gaci, Gjon Kapidani, e të tjerë nën dirigjimin e Maestro Jetmir Barbullushit i dhuruan emocione të bukura publikut shkodran.

‘Fakti është që Shkodra është ky vend ku ne kemi shumë borxhe ndaj kompozitorëve shkodran të cilët janë shumë e shumë ku është e pamundur për t’i përfshirë brenda një koncerti. Kjo tregon që ne jemi një qytet me një traditë të jashtëzakonshme muzikore.’- u shpreh Jetmir Barbullushi  

Formacioni prej 51 instrumentistësh u shoqërua nga vokalet e emrave të njohur si Marjana Leka, Adelina Paloja, Armando Likaj etj, ku nuk munguan dhe përshtypjet e artistëve.

 ‘Është një gjë e mrekullueshme ajo që u përcjell shumë bukur dhe nga publiku, por jashtëzakonisht emocione u përcollën dhe nga ana jonë si interpretues në skenë që e meriton Shkodra dhe e ka merituar gjithmonë”, u shpreh artisti Armando Likaj.

Një moment historik dhe vazhdim i një tradite të ndërprerë ne mes e konsideruan një pjesë e artistëve rikthimin e punës së Orkestrës Simfonike pas disa vitesh mungesë.

‘Një koncert ku nuk di ç’të vlerësoj më përpara. Muzika e shkëlqyer, interpretuesit me një pasion të madh dhe mbi të gjitha një publik i shkëlqyer që e ka pritur këtë ditë. Ky është një triumf i Shkodrës kulturore dhe muzikore.’- tha Zhani Ciko.

‘Kisha me thënë një moment historik jo vetëm për Shkodrën, por mbarë kombin Shqiptar sepse edhe vetë shkolla ku unë kam filluar mësimet e para të pianos quhet “Prenk Jakova”. Jemi rritur me ëndrrën e madhe  me dashurin ë për Shkodrën dhe për Shqipërinë’- u shpreh sopranoja Adelina Paloja.

Filarmonia e Orkestrës simfonike të Shkodrës u themelua në vitin 1878, për t’i dhënë me tej në vazhdim një rrugëtim të ri artit muzikor. Koncerti i radhës i Orkestrës simfonike pritet të mbahet në muajin mars.

M.Q./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Barzay: 13/04/2023 15:44

    Po me bahet qefi shume. Kam pas fatin e madh qe ne vitet 80' 81' kam qene orkestrant ne ate kohe filarmonia.shume emocione, nostalgji.Urime e Pune te mbare.

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46