KUKËS- 33 vite më parë në qendër të Kukësit u ekzekutua me varje, poeti Havzi Nela duke shënjuar edhe veprën e fundit kriminale të sistemit komunist në rënie. Poeti disident i Kukësit u kujtua këtë të martë nga familjarë, drejtues të PD së Kukësit, të unionit të të burgosurve dhe persekutuarve politik, të cilët vendosën kurora me lule pranë bustit të tij.
Bashkëshortja, Lavdije Nela ende kërkon drejtësi e dënim për ata që firmosen urdhër- ekzekutimin e Havzi Nelës, ndërsa vëllai i tij Shukri Nela prej 30 vitesh është në kërkim të arkivit me dorëshkrime e materiale të poetit.
‘Drejtësia akoma nuk e ka bërë fjalën e saj sepse nuk i ka çuar kriminelët para drejtësisë, akoma shëtisin të lirë Evropën Botën. Kërkoj t’i çojë para drejtësisë. Kristaq Rama, babai i kryeministrit, që urdhnoi varjen e poetit të Kukësit, me Ramiz Alinë, me Fatmira Naskën, me Hekuran Nisaqin, Agim Hoxha, Nikollaq Helmi, janë shumë emra krimineli më i madh i kombit shqiptar ka qenë krimineli Femi Avdiu ka firmosur për varjen e poetit të Kukësit. Na kanë shkatërruar jetën dhe akoma drejtësia nuk e ka dhënë fjalën, nuk na ka dhënë të drejtë gjithmonë në ka marrë nëpërkëmbë.’- u shpreh bashkëshortja e tij Lavdie Nela.
‘Kujtimin, amanetin që ma la vëllai nuk e mbarova. Të gjitha ato që ka lënë, një valixhe që pati lënë se kam gjetur. Kush mi gjen nuk matem sa pare jap vetëm që t’i gjej ato tesha.’- tha vëllai i tij Shukri Nela.
Ndërsa deputeti i zgjedhur i PD, Flamur Hoxha vlerësoi kontributin e poetit dhe martirizimin e tij në emër të fjalës së lire.
‘Ajo që nuk është bërë kemi mundësi që ta bëjmë, sidomos jo vetëm brezi ynë, por edhe brezi që do të vij më pas. E rëndësishme është që të mblidhemi së bashku në Kukës për të kujtuar martirin Kuksian, poetin disident Havzi Nela dhe për këtë ndihem krenar që tashmë jam edhe përfaqësues i Partisë Demokratik, për të cilën shumë breza ashtu si Havziu edhe shumë të tjerë, dhanë jetën për të pasur këtë ditë që kemi ne sot.’- u shpreh Flamur Hoxha.
Havzi Nela ishte mësues e poet i cili kërkonte lirinë e shprehjes e mendimit e duke qenë nën presionin e përndjekjes së ish-regjimit komunist u detyrua të kalonte kufirin në ish-Jugosllavi bashkë me bashkëshorten. Pas deportimit u dënua me vdekje. Ekzekutim që u krye më 10 gusht 1988. Një bust është ndërtuar tre vite më parë në Kukës, pranë gjimnazit me te njëjtin emër dhe shtëpia muze në fshatin e lindjes, Kollovoz.
Lajme të tjera
-
Shkëlqimi dhe fundi pa lavdi i ‘Turizmit të Ri’ të Kukësit
4 Nëntor, 11:26 -
Meta, 1 javë pas arrestit/ Gazetari Sokol Dema: Lëshoi fjalë të rënda ndaj Policisë dhe në seancë fyeu Dumanin! Sefa: SPAK nuk e ka pasur të lehtë atë skenë
29 Tetor, 08:09 -
Shqipëria dhe Kosova në sytë kuriozë të turistëve aziatikë: Një rajon mahnitës me tradita e histori
28 Tetor, 15:23
-
Kukës/ Dhunonte gruan dhe kanoste me armë zjarri fëmijët, në pranga 60- vjeçari! Sekuestrohen 3 armë zjarri dhe municion luftarak
28 Tetor, 11:00 -
Gjobitën makinat me targa të huaja në Rrugën e Kombit e lekët i futën në xhep, arrestohet polici në kërkim, 22 efektivë në hetim
28 Tetor, 10:09 -
Abuzimi me 2 tenderat e naftës, SPAK kërkon 1.6 vite burg për ish prefektin e Kukësit! Dënimi i Granit Gjanës të konvertohet në 2 vite shërbim prove
28 Tetor, 10:08 -
Rrëfimi i piktorit kuksian Alajdin Tabaku, 64 vite krijimtari! Nga vajza luftarake, te Kukësi i vjetër
27 Tetor, 16:39 -
Bullgaria mban sot zgjedhjet parlamentare! Qendrat e votimit janë hapur dhe në Tiranë, Elbasan, Korçë e Kukës
27 Tetor, 10:59
-
Rënie drastike e ujit në liqenin e Fierzës, baseni po lë bregun dhe po tkurret rreth kupolës! Asnjë turbinë nuk është në punë për prodhimin e energjisë elektrike
26 Tetor, 14:16
-
Goditi me sfurk kushëririn pas një sherri, arrestohet 34-vjeçari në Kukës
17 Tetor, 09:23 -
Fermerët e Kukësit kërkojnë traktorë e autokombanja! Zv/ministri i Bujqësisë: Qeveria financon 50 % të vlerës, por ka disa kritere
16 Tetor, 15:28
-
Morinë/ Po vinte me 15 monedha floriri nga Prizreni drejt Shqipërisë, nën akuzë 56-vjeçari
15 Tetor, 13:58
