'Të njohim Shqipërinë'. 354 turistë gjermanë të mbërritur sot  në  portin e Vlorës me krocerën 'BERLIN' kanë sfiduar motin e keq me shi, duke ndërmarrë një udhëtim të veçantë  me biçikleta nga Vlora drejt Fierit dhe Apolonisë.
 
Turistët që kanë mbërritur në portin e Vlorës nga Kotorri i Malit të Zi dhe do të qëndrojnë në Shqipëri për disa orë.
 
Bëhet fjalë për turistë gjermanë, të një moshe  që pavarësisht viteve mbi supe kanë sfiduar edhe motin  me reshje duke udhëtuar me biçikleta, sipas një programi të përcaktuar nga vetë ata.
 
Nga turistët gjermanë konfirmohet se pas disa vizitave në disa qytete të tjera të vendit kanë zgjedhur të ndalojnë  në Vlorë më pas do të vijojnë drejt Greqisë.
 
Gjatë udhëtimit të tyre drejt Fierit dhe Apolonisë turistët gjermanë janë shoqëruar  nga forcat e policisë si dhe një ambulancë, ndërsa janë shprehur se bukuritë e Shqipërisë do t'i prezantojnë në vendin e tyre.

[gallery]19031[/gallery]

dy.b/shqiptarja.com