'CEZ-i', Shkëlzen Berisha kreu 9
lëvizje të paregjistruara në kufi

Shkëlzen Berisha, djali i ish-kryeministrit Berisha ka udhëtuar jashtë vendit dhe pa u regjistruar në kufi.
 
Sipas të dhënave të sistemit TIMS të depozituara në komisionin hetimor parlamentar për privatizimin e CEZ, figurojnë të paktën 9 lëvizje të pa kontrolluara në kufi të Berishës gjatë viteve 2009, 2010 dhe 2011.
 
Sipas këtyre të dhënave ai ka dalë nga Shqipëria 48 herë dhe është kthyer 54 herë.
 
Kësaj moskonkordance shifrash i shtohen dhe lëvizje të tjera ku ai figuron të jetë kthyer në Rinas dhe mos ketë lënë gjurmë në kontrollin e TIMS për këtë punë.
 
16 janar 2009 sipas TIMS, Shkëlzen Berisha kthehet nga Vjena e Austrisë në Rinas por nuk figuron asnjë dalje e mëhershme jashtë shtetit.
 
Në TIMS figuron një hyrje nga Turqia në 19 janar 2010, po pa regjistruar më herët asnjë lëvizje të tij dalëse në kufi.
 
Drejt Vjenës udhëton sërish në datën 16 prill 2010 por nuk figuron gjëkundi Chek-imi i kthimit.
 
Zhvillon sërish një udhëtim në kryeqytetin austriak gjatë datave 16-18 maj.
 
Nga ky qytet kthehet në tiranë më 13 korrik 2010, por pas shënuar në kufi se kur ishte data e fluturimit të nisjes nga territori shqiptar. E njëjta skemë përdoret dhe për 2 fluturime nga Turqia.
 
Në sistem ekzistojnë të regjistruara vetëm 2 kthimet nga ky shtet në datat 31 tetor dhe 2 nëntor2010, por jo daljet nga Rinasi.
 
Madje në TIMS nuk figuron asnjë dalje e tij nga vendi përgjatë datave 30 gusht e 26 nëntor.
 
Një tjetër kthim nga Turqia por pa nisje të regjistruar nga Shqipëria figuron në 18 mars 2011.
 
Ndërsa asnjë dalje e Shkëlzen Berishës nga vendi figuron në sistem gjate datave 25 shkurt -19 qershor 2011, kohë ku kishte fluturuar drejt Turqisë dhe Austrisë.
 
Vjenën e viziton sërish gjatë tetorit 2011, por pa regjistruar daljen, ndërsa kthimi mban datën e 10 tetor 2011 në Rinas.
 
E njëjta skemë dhe për një tjetër udhëtim të nëntorit po në Vjenë ku figuron vetëm kthimi në Rinas në 27 nëntor.
 
Mosfunksionimi i sistemit TIMS është përdorur shpesh si argument nga PD për të akuzuar eksponentë të maxhorancës së kanë kryer lëvizje të paregjistruara dhe për qëllime të paligjshme jashtë vendit.
 
Rasti fundit ishte ai i Arben Frokut, i dënuar nga Gjykata me burgim të përjetshëm për vrasjen e ish-kryekomisarit, Dritan Lamaj.

Redaksia Online
l.q/Shqiptarja.com

TAG:
• aferat e klanit berisha