TIRANE-Në 24 orët të fundit janë testuar 246 qytetarë të dyshuar si të prekur me Covid-19. Në 24 orët e fundit, kanë rezultuar pozitivë 4 qytetarë, përkatësisht 2 në Berat dhe 2 në Tiranë, mes të cilave një grua shtatzënë. Ndërsa të shëruar janë 6 qytetarë.
Deri më sot janë konfirmuar pozitivë me COVID-19 në të gjithë vendin 880 qytetarë, 78% e të cilëve janë shëruar. Në të gjithë vendin aktualisht janë 161 persona aktivë me COVID19, kryesisht ne Tiranë, Krujë, Shkodër. Situata në spitale paraqitet e qëndrueshme prej ditësh. Aktualisht në dy spitalet COVID janë të shtruar 21 pacientë dhe vetëm 1 prej tyre është në terapi intensive.
Nga fillimi i epidemisë, deri tani, në vendin tonë janë kryer 11578 testime, nga të cilat, 11,048 janë testime molekulare dhe 530 janë testime serologjike. Pavarësisht situatës së përmirësuar, Ministria e Shëndetësisë dhe Mbrojtjes Sociale thekson se është shumë e rëndësishme që qytetarët të ruajnë distancimin fizik dhe higjienën personale; bizneset të zbatojnë protokollet e sigurisë për të ruajtur shëndetin e qytetarëve.
Nëse në një zonë të gjelbër, shfaqen sërish raste pozitiv me COVID-19, autoritetet shëndetësore do të bëjnë hetimin epidemiologji, pra të të gjithë kontakteve, për të shkuar në një vendim nëse zona do të kthehet apo jo e kuqe. I tillë është edhe rasti i Beratit, ku gjatë testimeve të 24 orëve të fundit, u identifikuan 2 raste pozitivë. Ata janë punonjës të Ujësjellësit të qytetit, kontakte të një koleges 36-vjeçare të konfirmuar pozitive ditën e djeshme. “Do te presim rezultatet e hetimit epidemiologjik per vendimin qe mund te merret”, ishte përgjigjja e Ministrisë së Shëndetësisë për Report Tv nëse Berati do të kthehej zonë e kuqe.
COVID-19 – Statistika (13 Maj 2020)
Testime të kryera 11578
Raste pozitive 876
Raste të shëruara 682
Raste Aktive 163
Humbje jete 31 (Qarku Tiranë 18, Durrës 6, Fier 3, Vlorë 1, Shkodër 2, Kukës 1)
Shpërndarja gjeografike e rasteve aktive është si vijon:
Tiranë 70
Krujë 49
Shkodër 16
Kamëz 12
Fier 5
Berat 3
Elbasan 2
Kurbin 1
Mirditë 1
Durrës 1
Korçë 1
Shtohen rastet e prekura me COVID-19 në Berat, e shpallur si zonë e gjelbër. Dy rastet e reja janë pjesë e Ujësjellësit Berat dhe janë raste kontakti të 36-vjeçares të konfirmuar pozitive ditën e djeshme.
Pas konfirmimit pozitiv me Covid-19 të një 36-vjeçarje nga Berati,mjekët epidemiologë kryhen në mënyrë emergjente tamponët në 20 punonjësit e Drejtorisë së Ujësjellës-Kanalizimeve Berat. Po kështu tamponë ju morën dhe familjarëve të saj.
Burimet për Report Tv thonë se nga 20 testimet e kryera në punonjësit e Ujësjellësit të Beratit vetëm dy prej tyre kanë rezultuar pozitivë, një 56-vjeçar dhe një 44-vjeçare. Ndërsa tamponët e kryera familjarëve të saj kanë dalë negativ. Gjithashtu edhe 5 tamponë të tjerë të personave që shoqëroheshin me të prekurën nga Berati kanë rezultuar negativë.
Mjekët epidemiologë po vijojnë me hetimin dhe gjurmimin e rasteve të kontaktit të dy punonjësve të tjerë të Ujësjellësit që rezultuan pozitivë.
Pas konfirmimit të rastit, Bashkia e Beratit dezinfektoi banesën e saj dhe lagjen, ndërkohë që u krye dezinfektimi edhe në çdo zyrë të Drejtorisë së Ujësjellës-Kanalizime.
Komente
Lajme të tjera
-
Komiteti i Ekspertëve nuk vendos testin për pasagjerët nga Kina: Sugjerojmë doza të treta dhe të katërta të vaksinës kundër COVID-19
30 Dhjetor 2022, 16:08 -
1 humbje jete dhe 23 raste të reja! Situata Covid-19 në vend gjatë 24 orëve të fundit
23 Dhjetor 2022, 20:40 -
Një humbje jete nga covid dhe tre raste të reja brenda 24 orëve të fundit
19 Dhjetor 2022, 19:56 -
Marrëveshja me Pfizer për 700 000 doza vaksina të rialokuara, Alibeaj skeptik: Pse duhet me urgjencë, është kërkesë e Pfizerit, jo e jona
5 Dhjetor 2022, 15:21 -
17 raste të reja me Covid në të gjithë vendin! Asnjë humbje jete dhe 7 të shëruar brenda 24 orëve të fundit
4 Dhjetor 2022, 17:58 -
Ekonomia e shqiptare, 'Moody-s': Me perspektivë të qëndrueshme! Ulja e borxhit, klima e biznesit me ecuri pozitive! Rrezik, importi i energjisë dhe PPP-të
1 Dhjetor 2022, 19:15
-
17 raste të reja nga 395 testime të kryera në vend! Asnjë humbje jete dhe 6 të shëruar në 24 orët e fundit
1 Dhjetor 2022, 18:26 -
Turizmi në Shqipëri, mbi 6.7 milionë të huaj për 10 muajt e parë të vitit! Ja nga cilat shtete ka rritje më të madhe të turistëve
1 Dhjetor 2022, 16:40 -
Situata Covid-19 në vend! 5 raste të reja dhe asnjë humbje jete në 24 orët e fundit
30 Nëntor 2022, 18:00 -
Raporti i OKB: Shqipëria me rritjen më të madhe të turistëve të huaj në 7 muajt e parë të 2022, krahasuar me 2019-n! Turizmi po tejkalon ndikimet e COVID-19
28 Nëntor 2022, 15:13 -
6 të infektuar nga 381 testime të kryera! Asnjë humbje jete dhe 14 të shëruar! Situata Covid-19 në vend në 24 orët e fundit
26 Nëntor 2022, 18:06 -
Asnjë humbje jete dhe 11 persona të infektuar në të gjithë vendin! Situata Covid-19 gjatë 24 orëve të fundit
23 Nëntor 2022, 17:29
Këtë lloj thirrje nuk e bëre kur ishte piku po e bën tani që gati mbaroi gjithcka, apo po ju pëlqen kjo lloj situate që u krijua, ju pëlqen të komandoni popullin si të jetë ushtarë: fli ngrihu dil mos dil fol mos fol. Akoma vazhdoni me "rregullat covid19" cdo 5 minuta në tv, lani duart mbani maskën dhe distancën etj etj. Iku mbaroi, pirdhuni tani
Përgjigju