Kursimet në banka vijuan rritjen në vitin 2022, por pjesa më e madhe e tyre zotërohen nga pak individë, ndërsa një e treta e llogarive, që individët kanë hapur nëpër banka, kanë maksimumi 100 lekë.
Sipas raportit vjetor të Agjencisë së Sigurimit të depozitave (ASD), në fund të vitit 2022, Vetëm për individët, depozitat e sigurueshme ishin 1.16 trilionë lekë (9.8 miliardë euro), ose gati 82% e totalit të depozitave të sigurueshme në vend. Depozitat e sigurueshme, sipas ASD-së përfshijnë depozitat me afat, llogaritë rrjedhëse, llogaritë e kursimit, llogaritë e kartave, llogaritë e përbashkëta dhe produkte të tjera të ngjashme.
Por, nëse shikojmë ndarjen sipas numrit të kursimtarëve rezulton se depozitat zotërohen në pjesën më të madhe të tyre nga një numër i vogël individësh, teksa ka shumë llogari që janë bosh, dmth kanë më pak se 100 lekë.
Sipas ASD-së, në total janë rreth 2.6 milionë (2,598,908) depozitues individë, që përfitojnë nga skema e sigurimit të depozitave deri në fund të vitit 2022. Nga këta, rreth 900 mijë (900,343) depozitues, ose 34.7% e totalit kanë një balancë në llogaritë e tyre prej zero deri në 100 lek (minimumi ligjor për kompensim).
1.53 milionë (1,538,767) depozitues të tjerë i kanë i kanë depozitat deri në nivelin maksimal ligjor të mbulimit dhe përfitojnë mbulim të plotë nga skema e sigurimit të depozitave, pra kanë më pak se 2.5 milionë lekë në llogaritë e tyre në banka. Shuma e depozitave që u korrespondon këtyre depozituesve arriti vlerën 480.8 miliardë lekë në fund të vitit 2022. Individët që kanë në banka midis 100 deri në 2.5 milionë lekë përbëjnë 60% të totalit të numrit të depozituesve, por kanë vetëm 41.% të shumës së depozituar nga individët në banka.
Depozituesit e mëdhenj janë të paktë në numër, por kanë shuma të mëdha në banka. Sipas ASD-së, ishin 114,798 individë, që kishin depozita më të mëdha se 2.5 milionë lekë në fund të dhjetorit 2022. Sipas numrit të llogarive, ata përbëjnë vetëm 4.4% të totalit të depozituesve. Por, këta 115 mijë individë zotërojnë 680.8 miliardë lekë, ose 59% të totalit të depozitave të sigurueshme të individëve.
Në total, sipas ASD-së, vlera e depozitave të sigurueshme që përfitojnë nga skema e sigurimit të depozitave arriti 1.42 trilionë lekë (12 miliardë euro), duke përfaqësuar 94% të totalit të depozitave. Krahasuar me një vit më parë këto depozita u rritën me 5%, ndërsa rritja në vlerë absolute është 67.8 miliardë lekë.
ASD thekson se Numri total i depozituesve është përcaktuar duke mbledhur të dhënat e agreguara të raportuara nga çdo bankë, kështu që një person i cili ka depozita në disa banka është regjistruar disa herë./Monitor
Burimi: ASD, përpunime të Monitor
Lajme të tjera
-
Fatos Çoçoli: Banka në celularin tënd
2 Qershor, 19:45
-
Kosova i përgjigjet SHBA për mbylljen e bankave serbe: Aktiviteti i tyre ishte i jashtëligjshëm, Beogradi nuk ka pranuar propozimet tona
21 Maj, 22:03 -
SHIFRAT/ Kosto e lartë jetese! Shpenzimet nuk po i lënë vend qytetarëve për kursime
29 Prill, 17:11
-
Me depozitë kursimi por pa para, rreth 900 mijë shqiptarë me llogari bankare bosh! Vetëm 4% me kursime mbi 2.5 mln lekë
12 Prill, 16:49
-
Edhe Shqipëria drejt përdorimit të kartave të kreditit, BSH: Mbështesim kompanitë Fintech, po avancojme drejt pagesave online si në gjithë BE-në
21 Mars, 18:02
-
Në janar u dha më shumë kredi, u tërhoqën 23.3 mld lekë! U rritën kursimet në lekë u ulën në valutë
28 Shkurt, 18:46
-
Në vitin 2023 u rritën kursimet, por u shtua edhe kreditimi! Qytetarët ‘heqin dorë’ nga valuta, kredi e kursime në lekë
5 Shkurt, 20:12
-
Ligji për sigurimin e depozitave pritet të ndryshojë për t’u përafruar me BE-në
22 Janar, 07:39 -
Primi i sigurimit të depozitave, bankat kërkojnë lehtësim
4 Mars 2023, 07:31 -
Protesta të dhunshme në Liban, protestuesit i vënë flakën bankave në Bejrut! Prej 2019-s ndalohet tërheqja e shumë parave
16 Shkurt 2023, 13:00 -
Kursimet e shqiptarëve arrijnë nivele rekord, totali i depozitave bankare arrin në 11 mld euro
5 Shkurt 2023, 11:55 -
Epoka dixhitale dhe mbrojtja e të dhënave personale në sektorin bankar
25 Janar 2023, 13:17
