Unioni i Gazetarëve të Shqipërisë bëri sot të ditur se mbi 45 gazetarë nga media të ndryshme kanë kërkuar azil ose nënshtetësi të shteteve të tjera në përpjekje për tu larguar nga vendi prej kërcënimeve që marrin gjatë ushtrimit të detyrës.
Drejtuesi i Unioni të Gazetarëve Shqiptarë, Aleksandër Çipa thotë se në periudhën 2017-18 janë shtuar më tej gazetarët e kërcënuar në detyrë, që kërkuan azil në vendet e BE-së dhe SHBA për shkak të rreziqeve të punës, dhe shumë të tjerë kërkuar shtetësi në vende të tjera.
“12 gazetarë kanë kërkuar azil në vendet e BE-së dhe SHBA për shkak të rreziqeve të punës, ndërsa 34 të tjerë kanë kërkuar shtetësi në vende të tjera. Pothuajse të gjithë këta kanë plotësuar dosjet me prova dhe dokumenta për kërcënime në detyrë dhe po përgatiten të largohen” – tha zoti Çipa.
Vetëm dy ditë pas sulmit me armë zjarri ndaj gazetares së njohur të kronikës së krimit, Klodiana Lala, një tjetër reporter vendor u kërcënua në Lac, ngjarje për të cilat shprehu shqetësimin e tij edhe Komisioneri për të Drejtën e Informimit dhe Ruajtjen e të Dhënave Personale Besnik Dervishi.
“Solidarizohem me të dy gazetarët e kërcënuar së fundi dhe me të gjithë gazetarët që dhunohen apo kërcënohen për shkak të detyrës dhe misionit të tyre. Sidomos zonjën Lala kam patur rastin ta njoh dhe vlerësoj kurajon e saj në punën e vështirë të gazetares. Të gjithë duhet të bëjmë përpjekje që këto ngjarje të shmangen e të mos ndodhin” – tha zoti Dervishi.
Unioni i Gazetarëve Shqiptarë protestoi disa herë për breshërinë e plumbave të hedhura mbi banesën e familjes së gazetares Klodiana Lala.
Zoti Çipa thotë se edhe kjo ngjarje e rëndë për jetën e gazetares dhe familjes së saj rrezikon të mbetet pa zbardhur ashtu si shumë kërcënime të kolegëve të tjerë.
Persona të panjohur sulmuan me armë zjarri në breshëri banesën e prindërve të gazetares së televizionit “News 24”, Klodiana Lala më 30 gusht në periferi të kryeqytetit. Gazetarja Lala tha se dyshonte se sulmi lidhej me punën si gazetare.
Klodiana Lala është një ndër gazetaret më të njohura me përvojë shumëvjecare në mbulimin e kronikës së krimit.
Për sulmin me armë ndaj banesës së prindërve, ku gjendeshin vëllai dhe fëmijët e saj, reaguan me forcë autoritetet politike e shtetërore të vendit si dhe shoqatat e gazetarëve.
Pas kësaj shumë gazetarë shkruan në rrjetet sociale se edhe atyre u kanë ndodhur shumë kërcënime për shkak të detyrës, ndaj edhe jo pak prej tyre po largohen nga vendi./ VOA
Komente
Lajme të tjera
-
Progres Raporti i BE-së, Lapaj: Ne e dimë realitetin, mungon gara! Çipa: SPAK përmbysi tabutë e tranzicionit! Krashi: Zhvillimi më pozitiv këto 34 vite
31 Tetor, 22:35 -
Lukova mbledh pushues nga gjithë bota, në Spile protestat zvogëlojnë Himarën
14 Gusht 2023, 19:30
-
DW: PD model i ri politikëbërje me liderë të vjetër?
7 Korrik 2023, 08:56 -
Jamarbër Malltezi shpërthen ndaj Klodiana Lalës, pasi kjo e fundit i përmendi aferën korruptive: Ti shpif, kërko falje brenda 24 orëve ose do shihemi në gjykatë
28 Shtator 2022, 17:58 -
Pas vdekjes së poetit Arben Duka, ndërroi jetë edhe i biri në SHBA! Miqtë kërkojnë ndihmë: Funerali ka kosto të larta, të mbështesim familjen
4 Shkurt 2022, 14:17 -
Lezhë/ Akordohen çmimet 'At Gjergj Fishta' në gazetari, botuesi: Surprizë vërtet e këndshme
22 Tetor 2021, 20:36 -
Ylli Pata: Pasojat dezintoksikuese të vendimit të DASH për Sali Berishën në shoqëri
8 Korrik 2021, 19:33
-
Aleksandër Çipa i 'kthehet' Berishës pasi i sulmoi të vëllanë Ardian Çipën pas rikthimit në poste drejtuese në Polici: Je një shpifës publik, do përgjigjesh në gjykatë
8 Korrik 2021, 18:41 -
Shuhet në moshën 79-vjeçare 'princi' i polifonisë shqiptare Lefter Çipa
18 Shkurt 2021, 07:17 -
10 Maj, Dita e Drejtësisë dhe shtëpia e Zenepe Lukës që u hodh në erë
10 Maj 2020, 20:10
Meviol Bilo vendimi i vene obsurd ku eshte gazetaret. Ky spaku eshte me 2 fytyra apo kur marin lek mbyllin syt
PërgjigjuKetu dicka nuk eshte ne rregull,o me gazetaret, o me popullin. Fjala e mendimi i lire eshte tipar themelor i demokracise,por, shpifjet,skenaret dhe genjeshtrat,nuk jane tipare shoqerore ne asnje sistem shoqeror e as ne demokraci,keto tipara nuk kuptohen njesoj nga gjitha shtresat e nivelet.andaj vije deri ne konfilte fizike. mediat si kendej ,e si andej drini, jane perkrahese te grupimeve politike,anuese qe dalin shpeshhere te pakutimta dhe shkaktojne kundershi me realitetin.Ligji dhet t'i rregulloje keto raporte mediale dhe publke,Pergjegjesia duhet te shkoj redaksive dhe vet gazetareve.shkruaj lirshem per te verteten e madherishme,por jo kurrew per genjeshtren e shemtuar qe shemton opinionin dhe moralin politik e kombetar te mediave.
Përgjigju