POP 5

Lajmet më të lexuara të 5 minutave të fundit

Kronikë

'45 minuta'/ Kreu i KLP-së, Gent Ibrahimi: Prokurori i ri dhe SPAK zgjidhen brenda dy muajsh, ja kriteret

Brenda dy muajve KLP duhet të emërojë Kryeprokurorin e Përgjithshëm në vend të Prokurores së përkohshme Arta Marku brenda dy muajve nga ngritja e KLP-së. Afati ligjor sipas kreut të ri të KLP, Gent Ibrahimi, i cili ishte i ftuar në "45 minuta", ka nisur  Mësohet se kryeprokurorja e përkohshme Arta Marku, të kandidojë për Kryeprokurore me mandat të plotë 5-vjeçar. 

Në të parën intervistë për "45 minuta"  të gazetarit Denis Minga në Report Tv, pas zgjedhjes në krye të Këshillit të Lartë të Prokurorisë, Gent Ibrahmi u shpreh se brenda dy muajve KLP duhet të zgjedhë kryeprokurorin e ri me mandat të plotë si dhe të miratojë ngritjen e SPAK-ut. Ai tha KLP do i zhvillojë mbledhjet në dy godina, atë të Prokurorisë së Përgjithshme në një sallë të përshtatur aty si dhe në sallën e ish-KLD, ku aktualisht mblidhet KLGJ-ja. KLP, tha Ibrahimi, do caktojë me pikëzim çdo kandidaturë për kryeprokuror që përmbush kriteret ligjore. 

Afati ka filluar dje (19 dhjetor), dhe brenda dy muajve duhet ngritur SPAK. Mbledhjet dhe puna do vijojnë. Mbledhjet do vijojnë në Prokurorinë e Përgjithshme, por edhe te salla e ish-KLD, ku sot është KLGJ dhe do t'i ndajmë mbledhjet me KLGJ. Edhe për Prokurorin e Përgjithshëm afati është njësoj si për SPAK, pra për dy muaj.  Kriteret janë ato që përcakton ligji. Koha e shërbimit nëse është kriter, ne do t'i vendosim pikë. 5 vjet, kaq pikë, 10 vjet kaq, e me radhë. Nëse ka qenë drejtues prokurorie, drejtues sektori, ne do themi sa pikë do kenë. Pikëzimi është i yni dhe do jetë i arsyeshëm. Gjithçka do jetë në një tabelë kaq pikë për këtë e atë, dhe në fund do kemi përllogaritjen matematikore.

Gent Ibrahimi, kryetar i KLP

Gent Ibrahimi ka qenë ndër ekspertët e hartimit të Reformës në Drejtësi.

Intervista në 45 minuta

Ku u zhvillua mbledhja e parë e KLP?
Është një sallë e famshme, ajo ku zhvilloheshin bmledhjet e KLD. Jemi mbrapa me logjistikën. Janë identifikuar disa godina. Qeveria kishte qenë e detyruar të punonte vetë për ambientin e përshtatshëm për KLP, por ata nuk guxuan ta bëjnë zgjedhjen pa ne. Megjithëse duhej bërë një zgjedhje dinjitoze që përkonte edhe me statusin e organit të ri. Kjo do të përkthehet në një zvarritje disajavore ndoshta edhe mujore. 

E pengon aktivitetin e KLP mungesa e një salle mbledhjes? Sepse duhet të ngrihet SPAK-u...
Afati ka filluar dje (19 dhjetor), dhe brenda dy muajve duhet ngritur SPAK. Mbledhjet dhe puna do vijojnë. Mbledhjet do vijojnë në Prokurorinë e Përgjithshme, por edhe te salla e ish-KLD, ku sot është KLGJ dhe do t'i ndajmë mbledhjet me KLGJ. 

Mbledhjet e KLP do jenë të hapura për mediat?
Patjetër. Por kjo realizohet në disa mënyra që registrimi audio dhe video të vendoset në faqen e internetit të KLP. Duhet edhe një lloj hapësire në këshill që të punojë i qetë, pa praninë e kamerave. Por kjo për momentin është e pamundur sepse nuk e kemi një faqe interneti. 

Cilat janë kompetencat e kryetarit të KLP-së?
Në rastet kur votat janë të ndara 4 me 4 ose 5 me 5, vota e kryetarit bën diferencën. Kryetari voton i fundit, por çfarë vlere ka kjo. Kjo bëhet për të evituar përçarjen mes anëtarëve. Nëse kuptohet se shumica shkon në një anë, kryetari shton peshën e tij psh. Më shumë se një mekanizëm çbllokues, vota e kryetarit do jetë një mjet për të shuar ato konfliktet e vogla. Të gjitha mendimet, përkatësitë duhet të shfaqen dhe ballafaqohen. Nëse është e mundur që kryetari me votën e tij e zbut këtë ndarje, kjo është ajo që i është mundësuar me votimin si i fundit. 

Opozita thotë se jeni investim politik i Ramës për të kontrolluar sistemin e drejtësisë... 
Keqardhje në rastin më të madh sepse është në vazhdën e atyre qëndrimeve përgjatë gjithë përiudhës së reformës. Jam etiketuar si njeriu që i përkas familjes së një eksponeti të PS. Jam përpjekur ta zhbëj këtë në çdo studio. Me gjithë respektin për opozitën, nuk kam ndërmend ta bëj këtë lojë, sepse ata nuk i kanë ndërmend ato që thonë. Ata mua më njohin personalisht. Nuk e di kush e ka lexuar këtë deklaratë...

Por nuk përmendin më që keni punuar pranë Soros-it...
Në tre vite, kam punuar për fondacionin Soros. Mendoj se duhet t'i jemi mirënjohës sepse ka hedhur 1 miliard dollarë në art, shkencë, sistemi ynë politik dhe juridik. Është një kontribut i madh politik dhe moral për të ngjallur në Shqipëri instiktet e demokracisë, ekonomisë së tregut që na mungonin fare. Soros është një filantrop bujar që e ka ndihmuar Shqipërinë.

Soros ka ndikuar te kjo reformë?
Soros ka punuar për ato dy vite pagën time që kam punuar nga mëngjesi deri në darkë. Dhe kaq. Sesi mund të ndikohet në këtë mënyrë, nuk e di. Në atë grup ekspertësh vetëm unë kam qenë i deleguar i ministrit të Drjetisë, si këshilltar. Nëse nuk do isha këshilltar i z.Naço, s'do isha në atë grup. Me z.Naço kam punuar disa muaj. 

Kur do ngrihet SPAK dhe cili është roli i KLP në ngritjen e kësaj strukture?
Ky është produkti më i rëndësishëm i punës së KLP. Do jemi ne 11 që do vendosim se cilët do jenë prokurorët këta zotërinj apo zonja, me një mandat 9-vjeçar, me garanci maksimale për sigurinë e punës së tyre, do punojnë në SPAK. Edhe ne vetë nuk mund t'i shkarkojmë ata. Duhen 2/3 për të shkarkuar një prokuror të SPAK. Për t'i votuar duhen shumicë e thjeshtë. Ata do rrijnë shumë gjatë në atë detyrë. Paga e tyre do të jetë një plus mbi pagat e shtuara të gjyqtarëve dhe prokurorëve. Ndërsa prokurorët e SPAK do kenë një shetësë mbi 20% të pagës së gjyqtarëve dhe prokurorëve. 

Kur do zgjidhet Kryeprokuroi i Përgjithshëm?
Afati është njësoj si SPAK, pra brenda dy muajve.  

Sa i takon kritereve për kryeprokuror, cilat janë?
Ato që përcakton ligji. Koha e shërbimit nëse është kriter, ne do t'i vendosim pikë. 5 vjet, kaq pikë, 10 vjet kaq, e me radhë. Nëse ka qenë drejtues prokurorie, drejtues sektori, ne do themi sa pikë do kenë. Pikëzimi është i yni dhe do jetë i arsyeshëm. Gjithçka do jetë në një tabelë kaq pikë për këtë e atë, dhe në fund do kemi përllogaritjen matematikore.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

'Gati shqipe', turi me diasporën, Rama sot takim me shqiptarët e Londrës! Pamje nga salla

'Gati shqipe', turi me diasporën, Rama sot takim me shqiptarët e Londrës! Pamje nga salla

24 Nëntor, 07:10