POP 5

Lajmet më të lexuara të 5 minutave të fundit

Sport

48 orë nga Kupa e Botës, Katari kërkon ndalimin e plotë të alkoolit! FIFA e miraton

Shitja e birrës dhe pijeve të tjera alkoolike do ndalohet në Katar gjatë Kupës së Botës.

48 orë nga Kupa e Botës, Katari kërkon ndalimin e plotë të alkoolit! FIFA e miraton

Stadiumi 974, Doha - Katar

Shitja e birrës dhe pijeve të tjera alkoolike do ndalohet në Katar gjatë Kupës së Botës. Familja mbretërore e këtij vendi, vetëm 48 orë para nisjes së eventit i ka kërkuar FIFA një ndalim total të birrës. Organizmi i futbollit botëror është kapur në befasi pasi marrëveshja e mëparshme fliste për një lejim të birrës në zonat rreth stadiumeve, aty ku tifozët do ishin më të kontrolluar për të shmangur çdo lloj incidenti të mundshëm.

Lëvizja e vendos FIFA-n në një rrugë përplasjeje me Budweiser, i cili është një nga sponsorët më të mëdhenj të turneut dhe ka një marrëveshje promovimi të birrës prej shumë milionë dollarësh me organin organizator që është FIFA.

Të huajt që do vizitojnë Katarin gjatë kësaj periudhe do mund të blejnë alkool vetëm në vendet e licensuara, që janë hotelet apo resortet luksoze. Pas protestave për të drejtat e punëtorëve dhe ato për LGBT, tanimë Katari është duke vendosur masa ekstreme për alkoolin, gjë që ndodh vetëm pak orë para startit të eventit. Si vend musliman, Katari ka një "listë aktivitetesh" që ndalohen gjatë këtij turneu. Në 20 nëntor në 17:00 Katari pret Ekuadorin për ndeshjen hapëse të Kupës së Botës.

FIFA ka reaguar zyrtarisht duke treguar se alkooli në stadiumet e Kupës së Botës në Katar dhe në zonat jashtë stadiumeve nuk do lejohet.

Rendit zhvillimet sipas orarit:
Ora 13:39
ZYRTARE/ S'ka alkool për tifozët në stadiumet e Kupës së Botës, FIFA i nënshtrohet Katarit

FIFA ka reaguar zyrtarisht duke treguar se alkooli në stadiumet e Kupës së Botës në Katar dhe në zonat jashtë stadiumeve nuk do lejohet. Pas kërkesës së Katarit, FIFA është bindur ndaj familjes mbretërore. Alkooli në Katar do lejohet vetëm në zonën e fansave dhe në vendet e licensuara (hotele luksoze), teksa birra pa alkool do jetë e lejuar në stadiume.

"Pas diskutimeve mes autoriteteve të vendit pritës dhe FIFA-s, u mor një vendim për të përqendruar shitjen e alkoolit në zonën e fanave  dhe në vendet e licencuara, duke hequr shitjen e alkoolit nga perimetri i stadiumit. Nuk ka asnjë ndikim në shitjen e (birrë pa alkool, apo e kuqe) e cila mbetet e disponueshme në çdo stadium të Kupës së Botës në Katar", thuhet në njoftimin e FIFA.

S.Dh/Shqiptarja.com

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • njuton: 19/11/2022 22:20

    njëzet vite WoT, të shkuara kot, përsëri ndalime, ndalime, ndalime, të alkoolit, të homove

    Përgjigju
  • Islam pagani: 18/11/2022 13:58

    Rregullat mbi organizimin i vendos FIFA dhe jo vendi organizator. parimet e islamit ti ndjeke popullsia vendase dhe ska pse te huajt te mos konsumojne alkool apo te vishen dhe te sillen sic sillen apo vishen ne vendet e tyre. eshte njelloj sikur ne evrope apo gjetke te ndalohet veshja e burkes dhe ne dyqane dhe restorante te tregtohet vetem mish derri dhe asgje tjeter

    Përgjigju
  • Sondazhi i ditës:
    17 Dhjetor, 08:53

    Hapet një tjetër grupkapitull me BE, a po ecet shpejt drejt integrimit?

Lajme të tjera



×

Lajmi i fundit

Non grata nga SHBA/ Maqedonia e Veriut kërkon arrestimin e Artan Grubit, shpallet në kërkim ndërkombëtar

Non grata nga SHBA/ Maqedonia e Veriut kërkon arrestimin e Artan Grubit, shpallet në kërkim ndërkombëtar

18 Dhjetor, 11:12