POP 5

Lajmet më të lexuara të 5 minutave të fundit

Politikë

5 njerëzit e Berishës në kupolën e drejtësisë që mbyllën dosjen CEZ dhe më pas ia mbathën nga sistemi, ja pse afera 414 milionë euro nuk ka shkuar në SPAK 

Adriatik Llalla dhe 5 ish anëtarë të Gjykatës së Lartë mbyllën aferën CEZ me kosto 414 milionë euro në vitin 2016. Që të gjithë ishin emëruar nga Berisha. Prokurorët dhe gjyqtarët pushuan më pas kallëzimet e tjera bazuar në vendimin e Gjykatës së Lartë 

5 njerëzit e Berishës në kupolën e drejtësisë që mbyllën dosjen CEZ dhe më pas ia mbathën nga sistemi, ja pse afera 414 milionë euro nuk ka shkuar në SPAK 

Ish-kryeministri Sali Berisha

TIRANË- Maxhoranca qeverisëse i ka kërkuar informacion Prokurorisë së Përgjithshme mbi fatin e dosjes CEZ me kosto mbi 400 milionë euro dëm ekonomik në kurriz të shqiptarëve, ku të kallëzuar janë ish kryeministri Sali Berisha, i biri Shkëlzen Berisha i dyshuar si sekser, sekseri kyç Nue (Noel) Nik Kalaj, ish ministri i Ekonomisë Genc Ruli, ish-ministri i Financave Ridvan Bode, ish zyrtarë të tjerë si Florion Mima, Enno Bozdo, Ledina Mandia etj. Afera CEZ ka tre momente kulmore, privatizimin korruptiv të vitin 2009, favorizime të paligjshme gjatë katër viteve si dhe ndërprerjen e kontratës në mënyrë të dhunshme dhe abuzive në 2013, duke shkarkuar një gropë financiare me vlerë mbi 400 mijë euro. 

12 vite nga afera e dytë më e madhe në historinë e pluralizmit në Shqipëri, pas skandalit ARMO, sot nuk ka asnjë zyrtar të ndëshkuar, ndonëse provat dhe faktet penale janë flagrante. Dosja CEZ është mbyllur dhe blinduar që në vitin 2016 nga ish gjyqtarë dhe ish prokurorë të emëruar nga Sali Berisha në kupolën e drejtësisë që u shemb nga procesi i Vetingu. 

Në fund të vitit 2015, Ministria e Energjisë dhe Industrisë kallëzoi në Prokurorinë e Përgjithshme ish ministrat dhe ish drejtorët e Berishës për shpërdorim detyre në bashkëpunim dhe shkelje të rënda gjatë procedurave të shitjes së 75 % të aksioneve të OSSH tek CEZ, gjatë nënshkrimit të marrëveshjes dhe pas privatizimit, duke favorizuar CEZ me çmimin e energjisë elektrike, faljen e detyrimeve, njohjen e borxhit të keq etj. Sipas një raporti auditimi të ministrisë, dëmi ekonomik ishte 414 milionë euro. 

Në 13 korrik të vitit 2016, Prokuroria e Përgjithshme mbylli dosjes me arsyetimin se procedura e privatizimit të OSSH nga qeveria Berisha ishte në përputhje me ligjin. Në atë kohë kryeprokuror ishte Adriatik Llallës, i emëruar në këtë post nga Sali Berisha dhe Ilir Meta në dhjetor të vitin 2012. Llalla është shpallur non grata nga Shtetet e Bashkuara të Amerikës, ndërsa në shtator të vitit 2021 u dënua me dy vite burg për fshehje pasurie. Për t’i shpëtuar burgut, Llalla u arratis nga Shqipëri.  

Vendimi i Prokurorisë së Përgjithshme u ankimua në Gjykatën e Lartë nga Ministria e Energjisë dhe Industrisë. Në 21 nëntor 2016, Gjykata e Lartë konfirmoi vendimin e Prokurorisë së Përgjithshme për mbylljen e dosjes CEZ. Ish-anëtarët e Gjykatës së Lartë, të cilët kanë vulosur mbylljen e dosjes CEZ janë Admir Thanza, Guxim Zenelaj, Arjana Fullani, Medi Bici dhe Edmond Islamaj. Që të gjithë ishin emëruar nga Sali Berisha dhe PD-ja në këtë gjykatë. 

Nga pesë gjyqtarët, sot vetëm Medi Bici vijon të jetë pjesë e drejtësisë. Arjana Fullani, bashkëshortja e ish-guvernatorit të Bankës së Shqipërisë, Ardian Fullani, iku nga drejtësia, duke evituar përballjen me Vetingun, ndonëse sipas ligjit mund të qëndronte si anëtare e Gjykatës deri kur t’i mbaronte mandati. Guxim Zenelaj u largua në të njëjtën mënyrë si Arjana Fullani. Admir Thanza i shkarkuar nga komisionet e Vetingut për shkak të lidhjeve me krimin, vjedhjes dhe dënimit në Itali, fshehjes, deklarimit të rremë dhe mosjustifikimit të pasurisë. Edmond Islamaj kaloi shkallën e parë të Vetingut, por u shkarkua për pasurinë nga Kolegji i Apelimit.
Më tej, Kuvendi i Shqipërisë dhe juristi Romeo Kara referuan edhe dy dosje të tjera në Prokurori, me mbi 6 mijë faqe, po për çështjen CEZ, por tashmë me prova dhe fakte të reja, ndërsa si të kallëzuar u shtuan Sali Berisha, Shkëlzen Berisha dhe sekseri kryesor Nuel Kalaj. Të dy dosjet u mbyllën, duke përdorur si argument kryesor pikërisht vendimin e Prokurorisë së Përgjithshme dhe të Gjykatës së Lartë. 

Në 29 shtator 2017, vetëm 10 ditë pas regjistrimit të çështjes, prokurorja Alma Bramo i kërkoi gjykatës mbylljen e dy dosjeve. Gjykata e riktheu pas dosjen, pasi nuk kishte pasur hetim. Çështjen e mori me short prokurori Ardian Braho. Në mars të 2018, Ardian Braho dha dorëheqjen nga hetimi i dosjes, ndërsa çështjen e mori Erjon Imeraj. Pas tre vitesh, Prokuroria e Tiranës kërkoi sërish mbylljen e dosjes. Këtë radhë kërkesa u pranua nga gjyqtari Lazër Sallaku, i cili ka mbyllur edhe dosjen e kryetarit të PD, Lulzim Basha, në lidhje me dosjen e lobimit.

Një nga argumentet kryesore të gjyqtarit Sallaku për mbylljen e dosjes CEZ ishte pikërisht vendimi i Gjykatës së Lartë i nëntorit të vitit 2016. Në vitin 2017, Kuvendi i Shqipërisë depozitoi në Prokurorinë e Përgjithshme raportin me konkluzionet e komisionit hetimor për çështjen CEZ, ku të kallëzuar ishin sërish Sali Berisha, Shkëlzeni dhe grupi i ish ministrave dhe ish drejtorëve. Raporti u referua në Prokurorinë e Përgjithshme pasi nuk ishte ngritur ende SPAK-u. Prokuroria e Posaçme u konstituua në fund të vitit 2019. 

Prokuroria e Përgjithshme duhet ta kishte referuar raportin në SPAK, meqenëse Berisha dhe ish ministrat janë subjekte të SPAK-ut. Pesë vite më vonë, Kuvendi kërkon informacion për fatin e kësaj dosje. Por, fati i saj duket se është vendosur që nga Adriatik Llalla dhe 5 ish anëtarët e Gjykatës së Lartë në vitin 2016.

B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sifi: 19/02/2022 09:48

    Aresyeja se ndodhin jeto cudira eshte se kjo mazhorance nerr votat per ate qe kerkon populli dhe harron premtimet.Ka rekurs te cdo vendimi gjygjesir qofte dhe ato vendime te gjykates se larte ( me gjyghtar tashme te shpallur jashte sistemi per korrupsion ) ne gjykaten kushtetuese por dhe ne gjykaten europiane . Vet PS nuk i ndjek deri ne fund dishet e korrupsionit te PD

    Përgjigju
    • Riku: 19/02/2022 16:42

      O katarakt ke pjeserisht te drejte... me ate qe njerezit jane ne llum... po je I drejte dhe nuk vjedh nuk nderton pa leje sben... ndersa qe e ka fajin sala dhe pd ketu ja fut si kau peles sepse thjesht je partiak ne gjykim... sala e mori ndeshkimin ashtu sic duhet ta kishte marre gjatoshi ne 2021 per asgjeberjen ne pushtet... megjithate kur njerezit jane te lumtur me barkun bosh e fajin e ka sala dhe 20 vite ishalla :)))))

    • katarakti: 19/02/2022 11:34

      Mendoj se tek ne Shqiptaret ekziston frika nga Saliu! Nuk beri kot vrasje Saliu ne 21 Janar! Nuk formoi pa qellim drejtesine e plepave dhe shume veprime te tjera per ta mbajtur drejtesine nen terror! Saliu dhe Likja jane mafia ne pushtet!PD gjoja e djathte esht eshte krijuesja e kesaj gjendjeje ne Shqiperi! Po vodhe dhe je i pasur njerezit te respektojne po qe i varfer sado i mire dhe i zgjuar te jesh s'te do njeri "s'te ka dora" thoshin!Dhe shume shtete dhe individe qendrojne prapa Saliut! A do te fitoje mafia e Saliut apo drejtesia me ndihmen e Amerikes? Kjo eshte pyetja sot!

    • Riku: 19/02/2022 10:13

      Sifi partise... arsyeja pse ndodh kjo jane inceneratoret... na hapet barkun me gjithe votat qe i jepni ketyre

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

AMF mbledh sektorin financiar për festat! Kaçi: Prioritet zbatimi me transparencë i rregullores së faktorëve të riskut!

AMF mbledh sektorin financiar për festat! Kaçi: Prioritet zbatimi me transparencë i rregullores së faktorëve të riskut!

26 Dhjetor, 15:29