POP 5

Lajmet më të lexuara të 5 minutave të fundit

Sociale

5 vite punë me detyrim pas diplomimit ose 2300 euro viti, studentët e Mjekësisë çojnë ligjin në Kushtetuese! Avokati: Diskriminues, të rishikohet

Studentët e mjekësisë kanë dorëzuar në Gjykatën Kushtetuese padinë për rrëzimin e ligjit të ri që i ndalon të largohen nga Shqipëria pas studimeve, duke i detyruar të punojnë deri në 5 vite në vendin tonë. Ata e kanë bërë të qartë se vetëm anulimi i ligjit do t’i kthente në auditore. 

Studentët e Fakultetit të Mjekësisë kanë dorëzuar në Gjykatën Kushtetuese padinë për rrëzimin e ligjit të ri që i ndalon të largohen nga Shqipëria pas studimeve, duke i detyruar të punojnë deri në 5 vite në vendin tonë. Gjithashtu ata nuk pranojnë tarifën e studimit 240 mijë lekë. Avokati Semi Sali tha se në padinë e dorëzuar kërkohet shfuqizimi i disa dispozitave që cënojnë të drejtat e studentëve.

"Ndërhyrja që kërkojmë nuk është shfuqizimi tërësisht i ligjit por vetëm ato dispozita që cënojnë të drejtat e kërkuesve. I lejojmë secilit student që dëshiron të firmosë vullnetarisht me një zgjedhje të lirë akt marrëveshjen, argumenti kryesor i kërkesës. E drejta për të pasur një zgjedhje të lirë pa kërcënimin e një sanksioni ekonomik siç përcakton neni 5 i ligjit fjalia e parë. Kemi të bëjmë me një shkelje të së drejtës për barazi", tha avokati.

Çdo student i mjekësisë që nuk përmbush detyrimin ligjor, për të ofruar shërbim shëndetësor nga 3 deri në 5 vite në vendin e tij dhe zgjedh të largohet jashtë Shqipërisë pas studimeve, do të duhet të paguajë një tarifë prej 240 mijë lekë të reja për çdo vit studimi. 

Prej 3 javësh tashmë studentët e mjekësisë kanë bojkotuar mësimin dhe kanë nisur protestat kundër ligjit që i vendos mes dy zgjedhjeve. Ata e kanë bërë të qartë se vetëm shfuqizimi i ligjit do t’i kthente në auditore. Revolta e tyre u shtua edhe pas bërjes publike të tarifës prej 240 mijë lekësh që do u duhet të paguajnë në vit.

B.K/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si e vlerësoni funksionimin e Gjykatave dhe Prokurorive në qarqe?

Lajme të tjera



×

Lajmi i fundit

Veliaj për Berishën dhe Metën: Dy pacientë, njëri ulëret nga dritarja, tjetri bën mizanskena! S’duhet të ngatërrojmë kllounin me liderin

Veliaj për Berishën dhe Metën: Dy pacientë, njëri ulëret nga dritarja, tjetri bën mizanskena! S’duhet të ngatërrojmë kllounin me liderin

27 Prill, 20:03