50 vjeçarja në pranga ish-burri i saj në kërkim! Zbardhet skema e shpërndarjes së drogës në servisin në Lezhë, gruaja futi kokainën në lavatriçe për t'ia fshehur policisë

Zbardhen detaje të reja nga skema e shpërndarjes së lëndëve narkotike në Lezhë ku kanë rënë në pranga 50-vjeçarja Vera Preka dhe është shpallur në kërkim e ish-burri i saj, 52 vjeçari Dod Marvukaj, pasi në servisin e këtij të fundit janë sekuestruar rreth 1.2 kg lëndë narkotike e dyshuar kokainë.

Servisi ku u gjet lënda narkotike përdorej për shpërndarje droge dhe ata të dy bashkëpunonin me njëri tjetrin.

50 vjeçarja e kishte fshehur kokainën në lavatriçe dhe në momentin që u njoftua për kontrollin ajo kishte ndezur lavatriçen për të fshehur atë.

Për disa muaj  servisi e kishte mbyllur aktivitetin për të cilin duhet të operojë dhe kjo ka çuar edhe në dyshimet e policisë se mund të jetë përdorur për veprimtari të tjera siç ishte ajo e shpërndarjes së drogës.

Burimet kanë deklaruar se çifti shpërndante drogë në doza të vogla në servis.

50 vjeçarja e cila është prangosur nga policia po merret në pyetje dhe po punohet për kapjen e ish-burrit të saj, i cili dyshohet se ka rol kryesor pasi servisi është në pronësi të tij.

Të përfshirë në këtë ngjarje dyshohet se është një gjerë në fushën e narkotikëve.

Servisi ku u sekustrua droga

Lajmi kryesor:

Përdornin servisin në Lezhë për shpërndarje droge/ 50 vjeçarja në pranga, ish-burri në kërkim! Gruaja futi kokainën në lavatriçe për t'i fshehur gjurmët policisë (Emrat)

/b.ha./Shqiptarja.com

TAG:
• Lezhe
• droge
• servis
• Dod Marvukaj
• Vera Preka