5000 Paund për ata që tregojnë vendndodhjen e 55-vjeçarit të zhdukur 19 vite më parë

TIRANE- Pas denoncimit në emisionin “Pa Gjurmë” të shtetasit Besim Skila, i cili humbi kontaktet me familjen nga Londra, ofrohen 5.000 Paund nga emigrantë, miq dhe të afërm të familjes Skila, për informacionin e saktë  që do të jepet në lidhje me vendndodhjen e 55-vjecarit, që rezulton i humbur që nga  5 shtatori i vitit 2000.

Mbrëmjen e sotme gjatë transmetimit, korrenspodenti i  “Pa Gjurmë” Astrit Veizi në një lidhje live nga Londra dha lajmin për shpërblim në këmbim të informacionit. Gjithashtu, Veizi i cili prej kohësh  po investigon rastin e Skilës, shtoi se në zonën ku dyshohetn të jetë 55-vjecari  i humbur, janë shpwrndarw edhe fotot e tij.

Gjurmë jete në vitin 2008 të Besim Skilës, bënë që ’’Pa gjurmë’’ të riniste kërkimet intensive, që nga humbja e tij, duke zbuluar një tjetër vendndodhje të matjanit, 5 minuta larg nga banesa ku mendohet se ka jetuar nga viti 2000 deri në vitin 2002, kur pas kërkimeve nga zyrat e emigracionit u mësua se ai aplikoi për riatdhesim vullnetar në Kosovë.

Kolegu ynë në Londër, Astrit Ferizi, në një investigim të bërë, prej ditësh në zonën ku ka jetuar 45-vjecari ka mundur të vjelë mjaft informacione të vlefshme, që shpiejnë në gjurmët e tij, që nga humbja. Ai i tha ’’Pa gjurmë’’ se ka pyetur mjaft shqiptarë që jetojnë në Londër. Ata i kanë pohuar se e kanë  parë në zonën Wimbledon. Këto dëshmi përforcohen edhe nga ajo e një shqiptari të Kosovës, i cili pretendon se është takuar me Besimin në vitin 2008 dhe se pikërisht në një kafe të vogël, me tenda të kuqe i emërtuar si ’’Costa’’kanë konsumuar kafe. Ky bar-kafe ndodhet 5 minuta larg në këmbë nga banesa ku ka jetuar 45-vjecari. 2008 është dëshmia e fundit që ridimensionon pistat e kërkimit.Adresa e fundit është ajo 151A Rruga Ley, adresë ku ai ka jetuar me djalin e hallës. "Pa Gjurmë", risolli këtë histori, në kërkim të vazhdueshëm të 45-vjecarit, pasi shfaqja dhe zhdukja e mistershme e tij ka shtuar edhe më shumë insistimin e familjarëve, për të mësuar të vërtetën e këtij 45-vjecari.  

TAG:
• Pa Gjurme
• besim skila