6 marsi, partia e Artur Roshit depoziton në KQZ kërkesën për t'u regjistruar në zgjedhjet e pjesshme vendore

6 marsi, partia e Artur Roshit depoziton në KQZ kërkesën për t'u regjistruar në zgjedhjet e pjesshme vendore

Artur Roshi

TIRANË- Partia Balli Kombëtar Demokrat, e drejtuar nga Artur Roshi, ka depozituar një kërkesë pranë Komisionit Qendror të Zgjedhjeve për t'u regjistruar si parti në zgjedhjet e pjesshme vendore për kryetar bashkie në bashkitë Shkodër, Dibër, Vorë, Durrës, Rrogozhinë e Lushnjë.

PBKD është partia e pestë që regjistrohet për zgjedhjet e 6 marsit. Partia Socialiste ka dorëzuar e para kërkesën për regjistrim më datë 25 janar, e ndjekur nga Partia Demokratike, Lëvizja Socialiste për Integrim dhe Partia Demokristiane e drejtuar nga Nard Ndoka.

Sali Berisha nuk është regjistruar ende në zgjedhje, ndërsa ditën e dielë organizoi në të gjashta bashkitë primaret ku u zgjodhën kandidatët që do të garojnë për zgjedhje. Berisha pohoi sot se në zgjedhje do të marrin pjesë si koalicion sëbashku me LSI-në, ndërsa tha se janë në bisedime edhe me parti të tjera opozitare. Koalicioni do të quhet ‘Shtëpia e Lirisë’.

Deri në orën 00:00, ditën e sotme është afati i fundit i partive politike për të dorëzuar në KQZ kërkesën për regjistrim në zgjedhjet e pjesshme vendore. Ndërkohë kandidatët e pavarur kanë afat deri më 9 shkurt.

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Superkupa e Italisë nuk ndryshon format, zhvillohet sërish në Arabinë Saudite

Superkupa e Italisë nuk ndryshon format, zhvillohet sërish në Arabinë Saudite