TIRANE-Në 24 orët e fundit janë kryer 102 testime në Laboratorin e Virologjisë në Institutin e Shëndetit Publik, nga të cilat janë konfirmuar 6 raste pozitive (9 më pak se dje), përkatësisht janë 4 në Tiranë (nga të cilët një personel shëndetësor), 1 rast në Durrës, dhe 1 në Mat. Të identifikuarit pozitivë për Covid19 në 24 orët e fundit janë kontakte dhe raste të reja për të cilat po kryhet hetimi epidemiologjik.
Aktualisht po trajtohen 28 të prekur në spitalin infektiv, nga të cilët 3 janë në terapi intensive, njëri prej tyre është i intubuar. Në 24 orët e fundit janë shëruar 5 qytetarë, duke e çuar në 877 numrin e të shëruarve. ISHP deklaron se nga fillimi i epidemisë janë kryer mbi 16 mijë testime molekulare dhe serologjike. Që nga fillimi i epidemisë janë 1143 rast e të konfirmuara. Aktualisht janë 233 persona aktivë me COVID19, kryesisht ne Tiranë, Durrës dhe Krujë.
"Pavarësisht tendencës së rritur të rasteve të konfirmuar pozitivë gjatë javës së shkuar, të evidentuara në dy vatra të reja, aktualisht po shohim që situata epidemiologjike paraqitet e qëndrueshme. Strategjia e lehtësimit të masave do të vijojë paralelisht me një shkallë më të lartë të gadishmërisë të strukturave epidemiologjike, për identifikimin e rasteve dhe gjurminin e thelluar epidemiologjik.
Nga sot do të fillojë lehtësimi më i madh i masave që nga fillimi i epidemisë, me heqjen e të gjitha kufizimeve të lëvizjes, me hapjen e kufijve tokësorë dhe një seri aktivitetesh të tjera. Do të vijojnë të jenë të ndaluara aktivitetet dhe grumbullimet masive që konsiderohen me risk të larte për përhapjen e Covid19.
Ministria e Shëndetësisë dhe Mbrojtjes Sociale fton qytetarët të tregohen të kujdesshëm, dhe të mos e ulin vigjilencën. Është në dorën e qytetarëve që situata epidemiologjike të mbahet nën kontroll duke respektuar rregullat e vendosura, për të ruajtur veten dhe të afërmit.
Mos neglizhoni shenjat e sëmundjes dhe për çdo shqetësim telefononi në numrin unik të Urgjencës Kombëtare, 127. Për informacion në lidhje me COVID19 dhe këshillim psikologjik, ju lutemi, telefononi në linjën e gjelbër 0800 40-40" mbyllet apeli i ministrisë së Shëndetësisë.
COVID-19 – Statistika (1 Qershor 2020)
Testime totale 16277
Testime molekulare 14825
Testime serologjike 1452
Raste pozitive 1143
Raste të shëruara 877
Raste Aktive 233
Humbje jete 33 (Qarku Tiranë 20, Durrës 6, Fier 3, Vlorë 1, Shkodër 2, Kukës 1)
Shpërndarja gjeografike e rasteve aktive është si vijon:
Tiranë 147
Durrës 28
Krujë 17
Shkodër 10
Kamëz 10
Mat 9
Lushnje 6
Berat 2
Fier 2
Korçë 1
Librazhd 1
DURRËS- Konfirmohen pozitivë me koronavirus familjarët e një punonjëseje në kadastrën e Durrësit.
Kadastra e Durrësit është alarmuar pasi familjarët e specialistes së sportelit, vjehrra dhe vjehrri i saj, kanë rezultuar me Covid-19, kurse ajo negative dhe është vetëkarantinuar. Pas marrjes së informacionit, ambienti është dezinfektuar dhe punonjësit janë rikthyer në punë normalisht.
Kontaktet e saj, kanë qenë me të gjithë specialistët e tjerë të institucionit por edhe me qytetarë. Ndërkohë në kadastrën e Durrësit nuk ka asnjë masë siguruese ndaj Covid dhe të gjithë anëtarët e këtij institucioni po presin udhëzimet nga Ministria e Shëndetësisë.
Lajme të tjera
-
Për 2023 sëmundshmëria kronike u rrit 5,9%, shkak plakja e popullsisë dhe pasojat e Covid
23 Janar, 07:37 -
Shtrimet në spitale gjatë 2022 u shtuan me 8% pas pandemisë! Zemra dhe shëndeti mendor problemet kryesore
4 Maj 2023, 20:19
-
COVID-19/ Dollenberg: Europa në gjendje stabël, Shqipëria të vendosë testin për udhëtarët nga Kina
5 Janar 2023, 20:32 -
Asnjë humbje jetë nga COVID në vend, regjistrohen 13 qytetarë të infektuar në 24 orë
12 Nëntor 2022, 17:25 -
Asnjë humbje jete nga COVID në vend, regjistrohen 28 qytetarë të infektuar në 24 orë
19 Tetor 2022, 18:05 -
Situata nga Covid-19 në vend, 1 humbje jete dhe 21 raste të reja gjatë 24 orëve të fundit
15 Tetor 2022, 16:42 -
Asnjë humbje jete dhe 19 qytetarë të infektuar me koronavirus! Situata Covid-19 në vend në 24 orët e fundit
14 Tetor 2022, 16:29 -
Regjistrohen 29 qytetarë të infektuar me COVID në vend, asnjë humbje jete në 24 orë
8 Tetor 2022, 18:25 -
Situata nga Covid në vend/ 5 të infektuar dhe asnjë humbje jete në 24 orët e fundit
3 Tetor 2022, 20:42 -
Regjistrohen 48 qytetarë të infektuar me COVID-19 në vend, asnjë viktimë në 24 orë
30 Shtator 2022, 17:39 -
Asnjë viktimë nga koronavirusi në vend, regjistrohen 63 qytetarë të infektuar në 24 orë
28 Shtator 2022, 17:31 -
45 raste të reja me COVID-19 në 24 orët e fundit! Asnjë viktimë dhe 97 të shëruar
24 Shtator 2022, 16:39
