POP 5

Lajmet më të lexuara të 5 minutave të fundit

INSTAT: 66% e të punësuarve në vend nuk arrijnë pagën mesatare! Inflacioni i lartë, rritjet e rrogave kanë efekt të papërfillshëm

Rreth 66 përqind e të punësuarve në vend nuk arrijnë dot pagën mesatare, dhe në kushtet kur inflacioni po arrin shifra rekord, efekti tek qytetarët nga rritjet e herë pas hershme të pagës është i papërfillshëm.

Pagat e punonjësve në Shqipëri mbeten thuajse në vend numëro, edhe pse shumë sektorë tashmë po vuajnë mungesën e punonjësve, që nga profesionet elementare deri tek të kualifikuarit.

Edhe pse rroga mesatare në krahasim me vjet në tremujorin e dytë të vitit është rritur përafërsisht me 4 mijë lekë, efekti i saj në xhepin e qytetarëve thuajse nuk ndjehet për shkak të inflacionit të lartë

Pagat e ulta në kohën e krizës së çmimeve, e bëjnë edhe më të vështirë koston e jetesës për qytetarët shqiptar, në kushtet kur vetëm rritja e çmimeve të ushqimeve është 8.7% në tremujorin e dytë, e ndërsa për karburantin rritja shkon deri në 23.7%.

Sipas raporteve të mëparshme të INSTAT dhe të Bankës Botërore familjet shqiptare rreth 40% të buxhetit të tyre e shpenzojnë për ushqime, shifër që pritet të rritet edhe më tej gjatë këtij viti.

Pavarësisht sinjaleve pozitive nga biznesi për të rritur pagat e punonjësve, si një masë kryesore për frenuar largimet nga puna, sipas të dhënave të INSTAT, rreth 66% e të punësuarve në Shqipëri nuk e arrijnë rrogën mesatare, që deri në fund të qershorit ishte 60.666 lekë.

Më konkretisht 23% e të punësuarve në vend marrin pagë minimale që prej prillit është 32 mijë lekë, ndërsa 20% e tyre paguhen nga 32-40 mijë lekë. Më tej janë 22.8% e qytetarëve që kanë rroga nga mbi 40 mijë lekë deri në 60 mijë lekë.

D.GJ/KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 1 Shkurt, 08:43

    Si e vlerësoni gjendjen e sigurisë në vend?

Lajme të tjera



×

Lajmi i fundit

Diell dhe temperatura deri në 16 gradë, parashikimi i motit për sot

Diell dhe temperatura deri në 16 gradë, parashikimi i motit për sot

5 Shkurt, 08:24