POP 5

Lajmet më të lexuara të 5 minutave të fundit

Kronikë

Zhdukja e 700 kg hashash në Greqi, dyshohet shkak për vrasjen e Edmond Papës dhe dy shqiptarëve në Athinë! Lidhja me Aleksandër Sadikajn

Trafiku i drogës Shqipëri-Greqi dhe zhdukja e 700 kilogramëve hashash, fakt të cilin e përmendin mediat greke dhe jo autoritetet shqiptare, dyshohet se fshihet pas 3 ekzekutimeve mafioze të Edmond Papës dhe Aleksandër Sadikajt në Tiranë, dhe 2 shqiptarëve të vrarë të dielën në Athinë.

Ekzekutimi me 9 plumba i Edmond Papës në kryeqytet nuk ka ende një autor. Policia e Tiranë ka nisur hetimet në disa pista për zbulimin e motivit të kësaj ngjarje të tipit mafioz. Aktualisht po hetohet është trafiku i lëndëve narkotike dhe prishja e pazareve në këtë aktivitet gjithashtu ne hetim është edhe konfliktet për çështje pronësie.  

Grupi hetimor po verifikon të shkuarën e Papës dhe nga të dhënat është mësuar se ai kishte njohje dhe dyshohet marrëdhënie biznesi në fushën e trafikut të drogës me Aleksandër Sadikajn, i cili  u ekzekutua me tritol në automjetin në qershor të këtij viti pranë TEG. Edhe kjo ngjarje nuk është zbardhur, por ekzekutimi i Papës e ka risjellë në vëmendje të hetuesve. Burimet bëjnë me dije se ka dyshime se të dy ushtronin aktivitetin e drogës mes Shqipërisë dhe Greqisë.

Gjithashtu është mësuar se ditën kur u vra Papa ka kryer tre takime në zonën ku ndodhej të paktën me tre persona. Hetuesit janë duke identifikuar personat me shpresën se dëshmitë e tyre mund të hedhin dritë mbi ngjarjen. Nga ana tjetër janë ngritur dyshime që vrasja e Papës  mund të ketë lidhje edhe me vrasjen e Kreshnik Çerçizaj dhe Armando Ogranaja, në Greqi, për zhdukjen e një ngarkese prej 700 kg kanabis, për të cilën mediat greke ngrenë dyshime se ishin në përgjegjësi të Edmond Papës.

Si u vra Edmond Papa?
49-vjeçari Edmond Papa, u ekzekutua rreth orës 16:30 në zonën e Selitës në Tiranë, teksa ishte në një lokal aty pranë, në rrugën "Fadil Bodinaku". 49-vjeçari u dërgua në spital, por nuk arriti që t’u mbijetonte plagëve të marra. Në momentet që është afruar në ambientet e jashtme të lokalit Papa ka reaguar dhe ka qëlluar në drejtim të tij me mjetet që ka pasur përpara, tavëll duhani dhe të tjera.

Në këtë moment autori ka qëlluar me plumba pistolete 9 herë dhe menjëherë është larguar nga vendi i ngjarjes po në këmbë. Ka dyshime se është ndihmuar nga persona të tjerë për t'u larguar, por akoma nuk ka asnjë të dyshuar. Papa kishte ardhur nga Saranda në Tiranë mesditën e së premtes bashkë me nënën e tij, të cilën do ta dërgonte tek mjeku për ta vizituar pasi ishte e sëmurë. 49-vjeçari njihej në Sarandë me mbiemrin Hoxha, të cilin e kishte ndryshuar në kur kishte shkuar në Greqi në Papa. 

Edmond Papa ishte me precedent në Greqi, i dënuar për trafik droge si dhe i skeduar më parë në Britani të Madhe. Sipas burimeve, ai kishte pak kohë që kishte ardhur në Shqipëri. Për ngjarjen ka dy pista hetimesh, konflikte të mundshme në Greqi dhe konflikte për pronën. Viktima ishte pronar i hotel ‘Blue Sky’ në Sarandë.

SI.E./B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • dora: 20/12/2022 20:06

    ishallah hengsh dhe ti o adi nje plumb bytheve per droge......

    Përgjigju
    • Dora: 20/12/2022 22:26

      Un nuk merrem me drog skam pse ta ha o te q motren

  • fieri: 20/12/2022 17:45

    nuk ka lidhje ata ne athine u vran per hesapet e tjera kurse ky mondi dyshohet se ka pas lidhje me sadikajn qe vran me bomb mondi qe na kurjani jetonte ne sarand kurse mondi tjeter esht nga patosi ata qe e njofin e din

    Përgjigju
  • dora: 20/12/2022 16:24

    si u vritka njeriu per droge,,,o maskarenj,,o pisa,,,ju duheni djegur ne turren e druve ....

    Përgjigju
    • Tori: 25/12/2022 11:36

      Po' per cfar te vriten o dora,,per farà kungulli.

    • OVlla: 22/12/2022 12:58

      Sancho ishte zar i adriatik kalemit. Eshte shume i fuqishem ne komun te parist dhe zonen e kodres se diellit. Aty ku kan vra mondin aty afer ka lokalin dhe sancho...

    • O vlla: 20/12/2022 17:32

      Kaq te fort e paska pat grupin sancho qe e coi lojen 3 me 1,edhe pse do vazhdoj shum kjo smbyllet ktu,esht ber gropa shum e madhe

    • Adi: 20/12/2022 17:10

      Po si o nuk u vritka ? 700 kg per 3 mij euro qe esht ne greqi bejn 2 milion e 100 mij euro . Vritet qe cke me te

  • Sondazhi i ditës:
    17 Dhjetor, 08:53

    Hapet një tjetër grupkapitull me BE, a po ecet shpejt drejt integrimit?

Lajme të tjera



×

Lajmi i fundit

Gjykata më e lartë e Francës konfirmon dënimin për korrupsion ndaj ish-presidentit Sarkozy

Gjykata më e lartë e Francës konfirmon dënimin për korrupsion ndaj ish-presidentit Sarkozy

18 Dhjetor, 16:46