Aktori britanik Daniel Craig, pas shumë spekulimesh ka deklaruar se do të rikthehet sërish në ekranin e madh, në rolin e agjentit sekret, James Bond.
 
Craig  ka thënë në “The Late Shoë” të Stephen Colbert, se do të luante sërish rolin e Bond.
 
Ai ka qenë protagonist në 4 filma të James Bond, por deri tani kishte refuzuar të konfirmonte nëse do ta bënte sërish.
 
Aktori u shpreh se, pas 4 filmave Bond kishte nevojë për një pushim, por pas një reflektimi të thellë kishte vendosur ta bënte sërish, ndërsa theksoi se kjo do të jetë hera e fundit që luan rolin e agjentit sekret.
 
Filmi i radhës së sagës James Bond, i 25-ti në seri, është parashikuar të shfaqet në nëntor të vitit 2019.
 
Redaksia Online
Er.K/Shqiptarja.com