Në një intervistë për “Elle Francë”, ajo ka treguar marrëdhënien e saj me fëmijët, me bashkëshortin dhe planet e së ardhmes.
“Emmanuel ka vetëm një defekt, atë që është më i vogël se unë”, e ka nisur rrëfimin e saj Brigitte.
“Kur dëgjoj që flasin për historinë tonë, më duket sikur flasin për një çift tjetër, por historia jonë është kaq e thjeshtë”, vazhdon ajo.
“Është folur dhe flitet shumë për diferencën e moshës që unë dhe Emmanuel kemi, e sigurisht kur ulemi të hamë mëngjes bashkë unë kam rrudhat e mia e ai ka freskinë e tij, po kjo është jeta. Nëse nuk do të kisha bërë këtë zgjedhje jeta ime nuk do të kishte kuptimin që ka tani. Jo që nuk isha e lumtur me fëmijët e mi, por më mungonte dashuria e madhe për të qenë plotësisht e lumtur”, tregon 63-vjeçarja.
Brigitte dhe Emmanuel u martuan në vitin 2007 dhe janë njohur kur ajo ishte mësuesja e tij.
Redaksia Online
J.Sh Shqiptarja.com