Këngëtarja po këndonte në nder të Sër Terry Wogan, dhe eventi po transmetohej nga BBC të hënën pasdite ndërsa të ardhurat do të kalonin për fëmijët në nevojë.
Por këngëtarja e soul nuk është ndier mirë dhe ka shtangur audiencën kur teksa po këndonte klasiken e së ndjerës Whitney Houston, “I Will Always Love You” ka ngrirë një çast dhe është alivanosur. Në çast kanë ndërhyrë punonjës skene dhe e kanë mbajtur duke e shpëtuar nga një rrëzim fatal.
Zëdhënësit e saj më pas thanë se për shkak se salla ishte e tejmbushur dhe shumë vapë, ajo ka pësuar atë gjendje. Kurse nga ana mjekësore u konfirmua se, këngëtarja kishte pasur nivelin e ulët të sheqerit në gjak dhe pas 30 minutash e rimori veten duke u kthyer e performuar në skenë.