Mushkonjat janë ndër insektet më të bezdisshme në kohën e verës dhe përpos që janë të neveritshme, thithin gjakun tuaj, ato ju ekspozojnë edhe ndaj sëmundjeve ngjitëse pasi mund të kenë thithur gjakun e një personi mbartës.

Ato kanë një grup gjaku të preferuar, ai është grupi 0, dhe ato e dallojnë këtë gjë pasi njerëzit lirojnë nëpërmjet lëkurës një kimikat që bën të dallueshme grupin e tyre të gjakut.

Në një studim nga “Journal of Medical Entomology”, thuhet se mushkonjat dy herë më shpesh e thithin gjakun e tipit O sesa atë të tipit A.

Mushkonjat nuk ushqehen kur i kafshojnë qeniet njerëzore.

Në fakt, mushkonjat femra janë të vetmet të cilat e konsumojnë gjakun e njerëzve për shkak se u duhet për ta mirëmbajtur pjellorinë dhe grupi 0 i gjakut, për arsye ende të paqarta për studiuesit, u ndihmon atyre ta bëjnë punën e tyre më mirë sesa kur ushqehen me çdo grup tjetër.

Redaksia Online
Er.K/Shqiptarja.com