Shqipëria dhe Mali i Zi fimosën një 'Memorandum Mirëkuptimi' për të ndërtuar Korridorin e Kaltër. Lajmin e dha vetë kryeministri Edi Rama.

 "Kemi besim se do të finalizojmë studimin e fizibilitetitit dhe financimin e projekteve të infrastrukturës dhe të katër akseve të rëndësishme rrugore në Shqipëri", tha Rama.

 Për kryeministrin shqiptar mekanizmi i bashkëpunimit '16+1', midis Kinës dhe vendeve të Evropës Qendrore e Lindore është duke funksionuar dhe pas katër viteve po marrin jetë projekte me rëndësi strategjike. 

"Po të shikojmë ecurinë e këtyre katër viteve, ka filluar të konkretizohen projekte me rëndësi strategjike brenda këtij mekanizmi," tha Rama gjatë një interviste për CRI Shqip.

Më herët të enjten, kryeministri shqiptar u prit në një takim në rezidencën qeveritare Diaoytai nga homologu kinez Li Keqiang.
 
 

Kryeministri Edi Rama i dha një intervistë ekskluzive CRI Shqip gjatë qëndrimit në Pekin për takimin e katërt të udhëheqësve të Kinës dhe vendeve të Europës Qendrore e Lindore.

Posted by Radio Ejani on Thursday, November 26, 2015


Redaksia Online
(f.s/shqiptarja.com)