​Veza e Kolombit, gjë-a-gjëza tani
edhe online në Shqiptarja.com

Mendoni se jeni aq inteligjentë dhe të informuar sa të gjeni çdo pyetje-enigmë? OK! Shqiptarja.com ju ofron një mundësi të re, jo vetëm për t’u zbavitur, por edhe për të vënë në provë aftësitë tuaja, dijet dhe koeficientin e inteligjencës.

Përballë jush do të jetë Kadri Vokopola, “mjeshtri” i lojërave të fjalëve, fjalëkryqeve dhe “pyetjeve me spec”.
 
Në dispozicion do të keni, një faqe të posaçme në internet, që shpaloset po të klikoni në “VEZA E KOLOMBIT - Quiz Online” në sajtin Shqiptarja.com, ku do të jenë vazhdimisht dy pyetje, shumë të thjeshta në dukje, që kërkojnë një përgjigje. Përgjigjet e lexuesve do të pasqyrohen vazhdimisht poshtë pyetjeve, ndërkohë që moderatori Vokopola do të komunikojë me “eksploratorët” e enigmave, për t’u thënë në se e kanë gjetur apo jo përgjigjen e pyetjeve.
 
Një pyetje do të zëvendësohet me një tjetër, në momentin që dikush gjen përgjigjen e saktë.
 
Ky është hapi i parë i një rubrike të re zbavitëse, që Shqiptarja.com nis ta ofrojë tashmë në internet, ndërkohë që prej kohësh e ofron edhe në gazetën “klasike”, si shumica e gazetave shqiptare. Ai do të pasohet me hapa të tjerë, për t’iu ofruar një mundësi për të kaluar në formë zbavitëse - duke mësuar njëkohësisht – kohën që keni në dispozicion.
 
Urojmë zbavitje të këndshme!

Luaj Ketu 

(d.b/Shqiptarja.com)