POP 5

Lajmet më të lexuara të 5 minutave të fundit

Ekonomi

853 milionë € kredi për rindërtimin, ekspertja Shehu: Është hua produktive, treguesit ekonomikë do të përmirësohen

Pas Konferencës së Donatorëve, ku vendit iu premtuan 1 miliardë e 152 milionë euro, shqetësimi i ngritur tashmë është shlyerja e kredive që shteti do të aplikojë për të marrë. 

853 milionë euro i është ofruar si kredi vendit nga ndërkombëtarët për procesin e rindërtimit. 

Për ekspertët kjo kredi do të cenojë parametrat e borxhit publik por do të jetë edhe produktive pasi do të monitorohet nga ndërkombëtarët. 

Pas Konferencës së Donatorëve, ku vendit iu premtuan 1 miliardë e 152 milionë euro, shqetësimi i ngritur tashmë është shlyerja e kredive që shteti do të aplikojë për të marrë. 

Ekspertë të ekonomisë janë shprehur se kjo huamarrje do të tejkalojë të gjitha parametrat e borxhit publik. 

Ekspertja Elona Shehu pavarësisht se pranon se kredia e ofruar do të ndikojë në rritjen e borxhit publik, ajo shprehet se kjo huamarrje do të jetë produktive pasi është e monitoruar. 

“Elementi pozitiv është që ky borxh është ndryshe nga borxhet e tjera pasi do të jetë i monitoruar nga institucione ndërkombëtare, gjë që nuk bëhet me borxhet e tjera siç është eurobondi.

Mënyra se si përdoret e bën borxhin që merret efektiv ose jo. Huamarrja e rindërtimit është produktive pasi do të monitorohet. Treguesit makroekonomik do të përmirësohen deri në momentin që ne të fillojmë me shlyerjen e borxhit”, shprehet Shehu. 

Nga ana tjetër Shehu ngre shqetësimin e mungesës së transparencës me fondet e mbledhura nga qeveria dhe organizatat vendase.

“Cili është fondi që ka mbledhur qeveria shqiptare bashkë me të gjitha ato institucione të pavarura, fonde bamirësie që kanë mbledhur.

Ashtu siç u bë publike fondi që u dha grant dhe ai që u dha hua nga shtetet e huaja, duhet të bëhet edhe për institucionet shqiptare.

U reduktuan investimet, sa u reduktuan dhe ku shkuan. Duhet transparencë në të gjitha shifrat”, thekson ajo. 

Ndërkombëtarët kanë vënë në dispozicion të vendit për rindërtimin e banesave rreth 295.7 milionë euro janë ndihma pra grante, 853 milionë është kredi dhe 3.4 milionë euro janë ndihma për mallra.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça