Deklarimi real i pagave nga bizneset nuk bëhet me kërcënime por me ligje. I këtij mendimi është eksperti i ekonomisë Zef Preçi, dhe sipas tij biznesi ka shfrytëzuar hapësirat ligjore për të kryer evazion.
“Tek pjesa private ato po shfrytëzojnë hapësirat ligjore. Ka nevojë të përdoren penalitete dhe jo kërcënime. Kërcënimi është gjuhë e papërshtatshme. Themelore mbetet që sistemi ekzistues të shfrytëzohet nga ana e inteligjencës financiare, dhe mos të veprohet me unë të bllokoj llogaritë, të sekuestroj e kështu me radhë”, thotë Preçi.
Preçi thotë se ndryshimi i ligjeve në favor të sipërmarrësve, i tillë si ulja e dividendit nga 15% në 8% janë dëshmi të hapësirave të krijuara për evazion.
“Me këto parregullsi dhe mungesa e një hierarkie të përgjegjshme mbi pagat, ka bërë që të krijohet ky mish-mash që pasqyron dobësitë e tranzicionit tonë”, pohon eksperti.
Por a do t'i përgjigjen bizneset thirrjes së qeverisë për të deklaruar pagat deri në 20 janar?
“Përveç faktit që do të përsoset më tej mënyra e shmangies së taksave, nuk pres ndonjë ndryshim tjetër”, përgjigjet Preçi.
Bashkëfajtor në këtë skemë informaliteti ku nuk deklarohen pagat reale janë edhe qytetarët, por Preçi thotë se ata janë të detyruar.
“E para është niveli i lartë i varfërisë dhe njerëzit pajtohen të punojnë në kushte pune edhe pa siguracione, kushte pune mizerabël, trajtohen si skllevër. Bizneset kanë dalë në treg vetëm për të siguruar fitime me çdo çmim, dhe nëse shteti është i dobët, atëherë ata maksimizojnë fitimin. Unë penalizoj shtetin që nuk vendos kufi”, tha Zef Preçi.
Në këto kushte eksperti thotë se shteti nuk duhet të kërkojë zgjidhje vetëm nga bizneset private por edhe nga ndërmarrjet publike.
“Ajo databazë është një thirrje, një mundësi që qeveria të mobilizojë ekspertë vendas dhe të huaj që të ndërtojnë një hierarki pagash që merr parasysh produktivitetin e punës. Në databazën e publikuar kemi një largim nga principet normale të sektorit publik”, pohon ai.
Këto problematika madhore dolën në pah në muajin e shkuar, kur u publikuan pagat e taksapaguesve shqiptar.
Lajme të tjera
-
Rrogat ulen te privati, 354 mijë s'arrijnë pagën mesatare! Eksperti: Punonjësi shihet si kosto e jo investim
22 Dhjetor, 14:25
-
2024-a 'bilanc' negativ/ 1 në 4 biznese nëndeklaruan pagat! Gjysma e të punësuarve marrin deri në 2300 lekë në ditë
17 Dhjetor, 16:05
-
Sektori privat në kah të kundërt me qeverinë, uli pagat e punonjësve gjatë sezonit të verës
10 Dhjetor, 14:25
-
Kuvendi i jep 350 mijë euro Xhafajt për Komisionin Antikorrupsion! Do të punësojë 91 ekspertë me pagesë deri në 8 mijë euro (EMRAT+ DOKUMENTI)
4 Dhjetor, 14:03
-
Partia e Lirisë kërkon shtimin e mbi 45 mld lekëve për Buxhetin 2025! Xhixho: Depozituam 11 amendamente në Kuvend, buxheti i Ramës për oligarkët
28 Nëntor, 18:27 -
Zyrtari i lartë i Policisë favorizonte subjekte private për evazion fiskal, si u zbulua skema
12 Nëntor, 14:14
-
Nisin hetimet për zyrtarin e lartë të policisë! Zbulohen mesazhet për të favorizuar subjekte private për fshehje të ardhurash dhe evazion fiskal
11 Nëntor, 18:04
-
Tedi Blushi: Kosova rriti pensionet 20% dhe pagat me 110 euro! Rama zero indeksim pagash dhe 170 lekë për pensionistët në buxhetin e 2025!
11 Nëntor, 16:38 -
Fati pensionistëve/ Ish-minatori: Si u takova me kryeministrin! I kërkova statusin, ishte i painformuar! Shabani: U merret përqindja te buka që blejnë
4 Nëntor, 21:50 -
Mosdeklarimi i pagave, Rama: Bizneset po grabisin pensionistët! Do përballeni me masa administrative e penale
22 Tetor, 11:24 -
Evazion apo turistë kalimtarë? Vetëm 18% e turistëve të huaj fjetën në hotele, vetëm 1.5 mln nga 8.5 mln vizitorë
21 Tetor, 15:30
-
Interpol Tirana e kishte shpallur në kërkim ndërkombëtar për 4 akuza, kapet i fshehur në Itali 30-vjeçari shqiptar! Nga evazioni fiskal, te mashtrimi e vjedhja
11 Tetor, 22:26
