POP 5

Lajmet më të lexuara të 5 minutave të fundit

Ekonomi

Eurobondi i ri, ekspertja Elona Shehu për Report Tv: I nevojshëm në këtë situatë, fondet të shkojnë edhe për investime

Vitin e ardhshëm ekspertët e ekonomisë e konsiderojnë të nevojshme marrjen e eurobondit për të mbuluar shpenzimet e shkaktuara prej pandemisë. Ekspertja Elona Shehu thotë se marrja e borxhit në tregun e huaj është pozitive për situatën që ndodhemi, pasi nëse do merrej në tregun vendas do të rrezikonte kreditimin e bizneseve.

TIRANË-Dalja përsëri në tregjet ndërkombëtare për të emetuar Eurobondin e pestë në vlerën e 500 milionë eurove vitin që vjen, është e domosdoshme për situatën aktuale të ekonomisë, thonw ekspertët e fushës. Sipas pedagoges Elona Shehu nëse borxhi do merrej brenda vendit do të cenonte kreditimin e ekonomisë.

“Në situatën në të cilën ndodhemi dhe në mungesën e kreditimit të ekonomisë, këtu i referohem kreditimit të biznesit të madh dhe nevojën që ai ka për të investuar dhe për tu financuar në tregun vendas, sa hapësirë mund ti linte një huamarrje e brendshme kreditimit. Pra automatikisht do të rritej kostoja e financimit për ekonominë”, u shpreh ekspertja Shehu.

Disavantazhi i një borxhi të huaj sipas ekspertes Elona Shehu është në momentin e shlyerjes së tij për shkak të kostos së lartë, përfshirë edhe konvertimin e parave në monedhë të huaj.

“Është pozitiv në momentin fillestar kur ne përfitojmë fondin qofshin në formën e borxhit apo të granteve, gjithsesi e sjellin një ndikim në ekonomi. Ajo që konsiderohet problematike është mënyra se si do të shlyhet borxhi, pra përcaktimi i kësteve dhe periudha kur do të fillojë shlyerja e këtij borxhi.Përveç kostos dhe përveç zgjatjes në kohë duhet të ketë një përdorim eficent të këtij borxhi”, shprehet Shehu.

Sa i takon nivelit të borxhit publik që pritet të kapërcejë shifrën e 80% të Prodhimit të Brendshëm Bruto këtë vit, Shehu thotë se kjo rritje justifikohet për shkak të situatës së pazakontë ekonomike.

“Jemi në nivele të larta të borxhit publik, të domosdoshme dhe të justifikuara por që e përkeqësojnë situatën ekonomike, ndoshta jo në momentin aktual por duhet të kemi parasysh që një ditë ky borxh do të shlyhet dhe kostoja do të rëndojë mbi individin”, thotë ndër të tjera ekspertja e ekonomisë.

K.T./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Si zgjidhen problemet me pronat, korrupsioni dhe digjitalizimi i Kadastrës, gjetjet dhe rekomandimet e ekspertëve në Komisionin Antikorrupsion

Si zgjidhen problemet me pronat, korrupsioni dhe digjitalizimi i Kadastrës, gjetjet dhe rekomandimet e ekspertëve në Komisionin Antikorrupsion

27 Nëntor, 21:56