POP 5

Lajmet më të lexuara të 5 minutave të fundit

Kronikë

9-fishohet gjoba për celularin në makinë, në motor me jelek fosforeshent pasi perëndon dielli! Report Tv zbardh draftin

Jelek fosforeshente me detyrim për motoristët, 9-fishim i gjobës për përdorimin e celularit, gjoba këshilluese për shkeljet pa pasoja janë ndër risitë e propozuara në kodin rrugorë. Report Tv zbardh draftin e dorëzuar në parlament, ndërsa policia rrugore synon që të zerojë aksidentet me jetë të humbur anë rrugë.

TIRANË- 10 mijë lekë do të gjobitet kushdo që përdor telefonin teksa drejtonin mjetin.  Report Tv ka siguruar draftin e kodit rrugor depozituar në parlament dhe pritet të marrë votat e deputetëve. Gjoba për përdorimin e telefonit aktualisht është nga 500 në 1500 lekë dhe 9 fishohet duke shkuar në dhjetë mijë lekë.

Një tjetër risi në këtë draft është edhe detyrimi që vendoset ndaj drejtuesve të motomjeteve për të përdorur jelekët dallues  apo fosforeshent, 30 minuta pas perëndimit të diellit dhe 30 minuta para lindjes së tij.

Kodi ka rritur penalitetet edhe për fenomenin e kthyer në makth kryesish në Tiranë, atë të parkimeve dyshe dhe parkimet e gabuara, veprim që do t'ju çojë në bllokimin e lejes së qarkullimit, e për këtë shkelje gjoba është dyfishuar.

Parakalimet e gabuara të konsideruara si shkaktarët e shumë aksidenteve me pasoja fatale për jetën, po ashtu kanë pësuar rritje në penalitetet që do të aplikohen për shkelësit. Sipas draftit gjoba do të jetë 5 deri në 10 mijë lekë, e kush e kryen dy herë brenda vitit këtë shkelje do të marrë dyfishin e gjobës.

Me këtë draft i hapet rruga edhe gjobës këshilluese, e cila për shkeljet e lehta do të aplikohet por duke u hedhur në sistem.

Në rast se shoferi që do të kapet sërish me shkeljen për të cilën është këshilluar do të ketë gjobën maksimale për shkeljen e konstatuar.

Një ditë më parë ministri i brendshëm Sandër Lleshaj deklaroi se deri në 2050 parashikohet 0 jetë të humbura nga aksidentet rrugore, ndërsa në planin me 8 pika për 2020 si viti i sigurisë rrugore ai kërkoi të mos ketë tolerim për çdo shkelës.

(Kliko këtu për të lexuar projektligjin per ndryshimet në qarkullimin rrugor)

 

B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Beni: 22/10/2020 17:09

    Kjo puna e jelekut,shpikje shqiptare besoj? P

    Përgjigju
    • ekspert: 22/10/2020 19:30

      po pra, pas perendimit te diellit dhe masken duhet ta kesh fosforeshente ... qe ti lehtesosh punen policit ... budallalliku po ritet eksponencialisht ne ate cope skerke vend ...

    • Jeleku: 22/10/2020 19:22

      Po pra ne vend qe te thone zhupat xhaketat ose bluzat te jene me shenja fosforeshente dalluese gjate udhetimit naten thone jelek..do behemi si me jelek si korrier apo pizza delivery..keta qe bejne projektligjet as nuk kan hip ne motorr ndonje here...hahah apo donii te shese jelek fosforeshente ndonjeri..mhb kot

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kreshnik Spahiu: Pse Strasburgu po e zhgënjen shumë keq Partinë Demokratike?

Kreshnik Spahiu: Pse Strasburgu po e zhgënjen shumë keq Partinë Demokratike?

23 Nëntor, 23:55 nga Kreshnik Spahiu