Arrestohet fotografi trafikant
Një fotograf italian arrestohet në Otranto me 26 kilogram heroinë. Ignazio Montenegro ishte nisur me makinën e tij nga Vlora në një traget që bënte linjën Vlorë - Otranto. I ndodhur prej disa ditësh në Shqipëri, fotografi po kthehej në Itali me makinën personale tip Xhip.
LEÇE (26/5/2000)
Një fotograf italian arrestohet në Otranto me 26 kilogram heroinë. Ignazio Montenegro ishte nisur me makinën e tij nga Vlora në një traget që bënte linjën Vlorë - Otranto. I ndodhur prej disa ditësh në Shqipëri, fotografi po kthehej në Itali me makinën personale tip Xhip.
Ai është ndaluar nga Guardia di Finanza gjatë kontrollit të makinave që bëhen në port. Droga e paketuar në pako të vogla 250 gramëshe - nga ato që zakonisht trafikantët shqiptarë i përdorin për mbështjelljen e marijuhanës - ishte fshehur në një ndarje të serbatorit.
34 vjeçari është marrë në pyetje nga policia e ka treguar misionin e tij në Shqipëri. Ai nuk ka pranuar të kishte dijeni për heroinën që iu gjet në makinë dhe është justifikuar se mund t'ia kishin futur pa dijeninë e tij. Këtë përgjigje përdorin zakonisht të gjithë trafikantët e miellit të bardhë. Organet e policisë që janë marrë më pas me këtë çështje kanë deklaruar se sasia prej 26 kilogramësh është më e madhja e kapur ndonjëherë në zonën e Salentos.
Për të zhdukur erën e athët të drogës, që me pakicë merr vlera miliardash, trafikantët kanë përdorur një lëng të errët, që lëshonte një erë shpuese. Por, kjo gjetje, veç vendit të sigurtë të zgjedhur, nuk ka hutuar Grillon, qeni i stërvitur nga Guardia di Finanza posaçërisht për gjetjen e heroinës. Droga u sekuestrua dhe Ignazio Montenegro, i padyshimti klasik, u vu në pranga. Ai është pronar i një studioje profesionale në Barletta të Italisë. Në momentin e zbarkimit nga trageti "Niobe", gjatë kontrollit të financierëve dhe të policëve të Kufirit, fotografi është dukur i qetë, por ishte ngutur të largohej dhe kjo gjë ka ngjallur dyshimet e ushtarëve. Këta të fundit u vunë në kërkim me qenin "Grillo", duke kërkuar në çdo cep të fuoristradës "Jeep Cheeroke". Pikërisht te serbatorët, njëri prej të cilëve kishte një vidë të liruar, qeni antidrogë ka insistuar. Pastaj një mekanik ka çmontuar serbatorët dhe ka gjetur 26 kilogramët. Agjentët e policisë e kanë marrë me vete dhe pas vendosjes së masës së arrestit, prokurorët e antidrogës do të kërkojnë prej tij të rrëfejë të gjithë linjën e trafikut dhe njerëzit që bëjnë pjesë në të.
Heroina që vjen nga Turqia kalon tranzit nga Shqipëria për në Itali. Zakonisht përdorën skafet për të bërë transportin, por në raste të shumta edhe tragetet shërbejnë për të fshehur gjurmët e trafikantëve. Në një të tillë, fotografi italian ka kërkuar të kalojë një sasi prej 26 kilogramësh heroinë, e cila është arritur të kapet nga policia fqinje.
//Shqiptarja.com
Sondazhi i ditës:
Si e vlerësoni turin e Ramës me diasporën?
-
I nevojshëm
70.5%
-
I pa nevojshëm
24.5%
-
Nuk kam mendim
5%
Vota total: 3695
Votat totale janë unike
Lajme të tjera
-
Hekurudha Vorë-Hani i Hotit, me standarde për tu përdorur dhe për qëllime ushtarake! Kredia 98 mln euro nga BERZH kalon tek 'Ligjet'
27 Maj, 18:26
-
Ervin Gjadri: Kolegji Saverian i Shkodrës, shkollë elitare me të njëjtin nivel si kudo në Evropë
27 Maj, 18:25
-
FOTO/ Humbi jetën teksa po punonte në një pallat në ndërtim në Tiranë, kush është 53-vjeçari
27 Maj, 18:11
-
Parada e motoristëve në Washington me rastin e Ditës së të Rënëve ‘Memorial Day’
27 Maj, 18:02
-
KLP i ndërpret mandatin Alfred Ballës, avokat Cakrani: Institucionet e reja të drejtësisë në kaos! Elezi: S'u respektuan rregullat
27 Maj, 18:00
-
Kuvend, miratohet me 76 vota pro dhe 2 kundër rezoluta antikorrupsion e PS
27 Maj, 17:48
-
Aktmarrëveshjet me OSHEE, firmosen 1628 kontrata për shlyerjen e debisë, 795 abonentë familjarë përfituan 70 % reduktim kamate
27 Maj, 17:31
-
VIDEO/ Mirlind Daku e mëson nga TV ftesën e Sylvinhos, sulmuesi s’i mban lotët
27 Maj, 17:08
-
Goditet grupi kriminal italo-shqiptar, drejtonte një rrjet restorantesh në Firenze! Pastruan 13.5 milionë euro! Nën akuzë edhe ish-portieri i Napolit
27 Maj, 17:08
-
Frrok Çupi: Saliu me Izetin, si Iliri me Monën
27 Maj, 16:58
-
Lezhë/ Shkoi të inspektonte punimet për qendrën e emigrantëve në Shëngjin, deputeti italian has pengesa për tu futur brenda
27 Maj, 16:58
-
Kushtetuesja rrëzon 'Rithemelimin', refuzon pezullimin e ligjit për Komisionet Hetimore
27 Maj, 16:46