Dëshmitarët shpallin "hero" të pandehurin Nehat Kulla
Grumbulli i madh i akuzave (janë tetë), duket se nuk po e vë përposhtë Nehat Kullën. Edhe dje, ndërsa seanca pritej të fillonte, ai iu ka "dhuruar" buzëqeshje dhe ka shkëmbyer përshëndetje me miqtë e tij, që kishin mbushur sallën.
TIRANE
(27/10/2000)
Grumbulli i madh i akuzave (janë tetë), duket se nuk po e vë përposhtë Nehat Kullën. Edhe dje, ndërsa seanca pritej të fillonte, ai iu ka "dhuruar" buzëqeshje dhe ka shkëmbyer përshëndetje me miqtë e tij, që kishin mbushur sallën.
Edhe i pandehuri tjetër, Ismet Ramadani, i cili nuk ka marrë pjesë në asnjë seancë tjetër për shkak të gjendjes jo të mirë shëndetësore, ka qenë i pranishëm. Pas dhënies së gjenealiteteve të tij, ai ka kërkuar të njihet me akuzën. "Çfarë bande të armatosur paskam krijuar unë" - tha Ramadani, duke e cilësuar më tej si një akuzë absurde dhe si një cënim të "dinjitetit" të tij personal. Katër dëshmitarë të kërkuar nga mbrojtja janë paraqitur në seancën e djeshme gjyqësore, e cila është e dhjeta e këtij procesi. Skënder Xhafa, i cili ka qenë në sallën e gjyqit me cilësinë e dëshmitarit, u shpreh disa herë para trupit gjykues se "ndihma e të pandehurit Nehat Kulla në trazirat e vitit '97 për ruajtjen e uzinës së riparimit të artilerisë dhe depove të armëve nga grabitja ka qenë e jashtëzakonshme". Dëshmitari Xhafa, i cli është drejtor i uzinës në fjalë, tha se për këtë punë Nehat Kulla ka marrë edhe falenderime me shkrim nga Shtabi i Përgjithshëm i Ushtrisë. Kulla kishte qenë shef i shoqërimit të armatimit në këtë uzinë dhe, sipas dëshmitarit, nuk kishte ndodhur asnjë incident gjatë punës së tij. Togat e zeza dhe organi i akuzës nuk thanë asnjë fjalë, ndërsa dëshmitari Xhafa fliste për "heroizmat" e të pandehurit, ndërsa nga sallë janë dëgjuar të shara nëpër dhëmbë. Edhe tre dëshmitarët e tjerë kanë folur në favor të Kullës. Të pandehurit kanë kërkuar të përfaqësohen nga mbrojtja në seancat e ardhshme gjyqësore.
//Shqiptarja.com
Sondazhi i ditës:
Sa i përhapur është korrupsioni në Shqipëri?
-
Shumë
84.4%
-
Pak
9.1%
-
Nuk e di
6.4%
Vota total: 2941
Lajme të tjera
-
Historia si nëpër filma e Nehat Kullës, miku i kryeministrit dhe fundi pa 'lavdi' e tragjik i tij dhe i vëllait
17 Qershor 2020, 12:05
-
Pak kohë më parë la qelinë/ Kush ishte Nehat Kulla...'gjenerali' i bandës famëkeqe të '97 që vdiq sot
16 Qershor 2020, 09:06
-
Tiranë/ Njihej si 'gjenerali' i bandës në '97, ndërron jetë Nehat Kulla...ishte pozitiv me COVID-19, u infektua nga vëllai që vdiq disa javë më parë
16 Qershor 2020, 08:56
-
Ndërroi jetë nga COVID-19/ Vëllai i 'Gjeneralit' punonjësi i Doganës! kolegët mesazh prekës: Të prehesh në paqe!
28 Prill 2020, 19:17
-
EKSKLUZIVE/ Lista e papublikuar e OFL: Nga nipi i Enver Hoxhës tek Edmond Bego, Nehat Kulla, dhe i forti i Saukut
20 Shkurt 2020, 15:23