POP 5

Lajmet më të lexuara të 5 minutave të fundit

Tre bluza të bardha marrin titullin "Qytetar Nderi"

Më në fund dhe bluzat e bardha të Shkodrës, provojnë të firmosin në librin e "Qytetarëve të Nderit". Tre prej mjekëve më të njohur në qytet, të cilët u kanë shërbyer me dekada të tëra familjeve shkodrane, duke u shkuar shtëpi më shtëpi
SHKODER (29/9/2000) Më në fund dhe bluzat e bardha të Shkodrës, provojnë të firmosin në librin e "Qytetarëve të Nderit". Tre prej mjekëve më të njohur në qytet, të cilët u kanë shërbyer me dekada të tëra familjeve shkodrane, duke u shkuar shtëpi më shtëpi, duke iu gjendur të gatshëm në çdo çast, kanë marrë dje titullin "Qytetar Nderi". Kraja, Plani dhe Ndoja janë emrat që kolegët e tyre mjekë kanë duartrokitur për një kohë të gjatë në ambientet e spitalit të qytetit ku u dhanë dhe titujt. "Ne po tregojmë sot mirënjohjen që kemi për emrat e tyre, respektin që kanë në familjet shkodrane për punën e tyre. Janë vite të tëra pune, të cilat ne duhet t'i nderojmë" do të deklaronte kryeatri i bashkisë Boriçi. Mjekët e Shkodrës zyrtarisht për herë të parë e kanë ndjerë veten të nderuar në ceremoninë që u zhvillua këtë të enjte. Këshilli Bashkiak, ka nderuar tre emra të njohur në mjekësinë shkodranë me titullin "Qytetar Nderi". Dorëzimi i këtyre titujve, ka qenë dhe motivi i ceremonisë së zhvilluar në ambientet e spitalit të Shkodrës. Zyliha Kraja, Lec Plani dhe Luçie Ndoja, dy të fundit pas vdekjes, kanë marrë titullin qytetarë nderi, për përkushtimin dhe vitet në punë që kanë shërbyer në shëndetësinë shkodrane. Ndërkohë që drejtori i përgjithshëm i spitaleve, Astrit Beci, e sheh në një plan më të gjerë evenimentin. "Në fakt, ky është një vlerësim për mjekësinë shkodrane. E shohim veten të nderuar, pikërisht në momentin kur na duhet inkurajimi". Në motivacionin e dhënies së titujve për Ndojën do të veçohej puna 50-vjeçare si infermiere dhe kryeinfermiere në spitalet e Shkodrës, duke u bërë dhe një ndër figurat më të njohura të shërbimit ndaj njerëzve. Ndërkohë që Lec Plani është nderuar për punën e madhe shkencore që ka bërë, për metodat e reja me të cilat ai punonte dhe për të cilat ai është nderuar dhe nga Ministria e Shëndetësisë. Kirurgia Zyliha Kraja, ka pasur fatin që e ka marrë vetë titullin. Ajo që për 37 vjet nuk i është ndarë sallës së operacionit me shumë modesti ajo do të thoshte: "Eshtë një respekt ndaj punës sime, djersës së derdhur në sallën e operacionit, punë që e kam bërë bashkë me kolegët e mi, me të cilët do të doja që ta ndaja. Megjithëse mjekësia shkodrane radhit në gjirin e saj emra të njohur mjekësh, titulli i dhënë sot tregon se personazhe të tilla duhet të nderohen sërish, pasi Shkodra duhet t'i kujtojë si ata që kontribuan në emrin e saj.

//Shqiptarja.com
  • Sondazhi i ditës:

    Mendoni se lufta ndaj nëndeklarimit të pagave do rrisë ndjeshëm pensionet?

Lajme të tjera



×

Lajmi i fundit

BBC: Si u kthye Donald Trump nga humnera politike?

2 Nëntor, 13:10