A rrezikon çarjen PD?
Në ndryshim nga Partia Socialiste, e cila u nda vetëm një herë kur ishte në pushtet, me formimin e LSI nga Ilir Meta, “karakteristika” e Partisë Demokratike është se ndahet si në pushtet, ashtu dhe në opozitë.
Në ndryshim nga Partia Socialiste, e cila u nda vetëm një herë kur ishte në pushtet, me formimin e LSI nga Ilir Meta, “karakteristika” e Partisë Demokratike është se ndahet si në pushtet, ashtu dhe në opozitë. Neritan Ceka, i cili në zenit të pushtetit të PD formon PAD, Partia Aleanca Demokratike së bashku me disa deputetë, ishte ndarja e parë e madhe nga Berisha (Ceka sot vazhdon të jetë këshilltar i Berishës, por PAD nuk egziston). Në opozitë, ishte Genc Pollo së bashku me disa deputetë që formuan në 1999-2000 PDr, Partinë Demokratike të Reformuar, pasi nuk mundi dot të konkurronte për kryetar të partisë përballë Berishës (Pollo sot është ministër i Berishës dhe PDr nuk egziston).
Këto janë dy çarjet e mëdha të PD-së, duke përjashtuar këtu, ikjet dhe ardhjet e herpashershme të individëve të veçantë, si dhe Bamir Topin, i cili nuk arritit të linte gjurmë me FRD e tij në këto zgjedhje. Pyetja që lind, pas insistimit të Berishës për zgjedhjen e Lulzim Bashës në krye të PD-së, është e thjeshtë: a rrezikon një ndarje të re kjo parti? Normalisht që pyetja e vogël shoqëruese është, a ka kundërshtarë të Berishës brenda kësaj partie. Ndoshta një 20 përqindsh i anëtarësisë, sipas të dhënave zyrtare, doli kundër Berishës (Bashës). Por megjithatë vetë Sokol Olldashi nuk duket se mund të ndërrmarrë një lojë të tillë të rrezikshme mbi supe, të përfaqësojë “fraksionin” e 20 përqindëshit.
Edhe fushata e tij, ku Berisha nuk u atakua asnjëherë, qoftë edhe tagent, nuk të lë shteg të mendosh se ai do të ndërrmerrte një hap, ku të tjerë para tij e kanë provuar dhe nuk kanë shkelur në tokë të fortë. Intelektualë të njohur të PD-së, shumica tashmë janë jashtë rradhëve të saj aktive. Bamir Topi është vetëm kujtesë, tani për tani. Jozefina Topalli, ka pranuar në heshtje humbjen. Të tjerët bëjnë llogaritë e mbijetesës në politikë dhe madje kanë nisur edhe “ledhatimet” ndaj Berishës së ri.
Pra, në analizë të parë, duket se PD nuk ka një emër tjetër me karakteristika lideri përveç Berishës. Dhe rreth tij do të mblidhen të gjithë qëndrestarët, ndërsa të pakënaqurit, ose do të preferojnë heshtjen, ose mënjanimin duke menduar rikthimin. Eshtë një cikël (duket si cikël kozmik) i hapjes dhe mbylljes së kësaj partie. Dhe në këto momente është në ciklin e mbylljes, në atë që dikur u quajt “epoka e qëndrestarëve”. PD mund të rrudhet, e të rrudhet, por nuk do të ketë çarje, sepse nuk ka prodhuar elitë. Dhe nëse Lulzim Basha kërkon vërtetë të mos paragjykohet duhet të nisë fillimisht nga krijimi i elitës brenda partisë. Elitë që të mos lotojë me fjalët e Berishës.
Shkrimi u botua sot në gazetën Shqiptarja.com (print) 25.07.2013
Redaskia Online
(b.m/shqiptarja.com)
Sondazhi i ditës:
Si e vlerësoni funksionimin e Gjykatave dhe Prokurorive në qarqe?
-
Mirë
25%
-
Keq
61.2%
-
Nuk e di
13.8%
Vota total: 1916
Lajme të tjera
-
Intervista për Report Tv/ Neritan Ceka kujton çfarë i thoshte Azem Hajdari Berishës në 1990: E goditi partinë me vare! PD e PS u dominuan nga njerëz të rastit, jo me ide
8 Dhjetor 2023, 15:02
-
Neritan Ceka rrëfen si i shpëtoi atentatit nga njerëzit e Berishës: Pistoletën ma vunë mbrapa koke, dëgjova një krismë
7 Korrik 2023, 17:19
-
Ai ishte njëri nga ne
23 Qershor 2023, 10:49
-
Karl Paç, ‘dallëndyshja e parë e arkeologjisë shqiptare’, studiuesit: 2 udhëtimet e austriakut në Shqipëri, si e ndërtoi në 1922 muzeun e parë kombëtar në pronën e Toptanasve
28 Qershor 2022, 17:23
-
'Butrinti nuk është grek', ekspertët kundër marrëveshjes me PPP: Arroganca e Ramës e papranueshme, po nxjerrin në ankand historinë! Plani i Biznesit të bëhet menjëherë publik
29 Prill 2022, 15:47
-
Promovohet në Akademinë e Shkencave libri “Fillimet e qytetit ilir” i prof. dr. Neritan Cekës
17 Nëntor 2021, 22:10
-
Siti arkeologjik i Bylisit, gati dy shekuj kërkime, vetëm një e dhjeta e zbuluar
24 Tetor 2021, 20:09
-
Zbulimi në Bylis i cisternës antike, arkeologu Ceka: Objekt i shekullit të III Para Erës Sonë, u shërbente 10 mijë personave
16 Tetor 2021, 16:26
-
Zbulohet stera më e madhe e ujit e periudhës romake në Bylis, me gjashtë ndarje të mëdha! I përket shekullit III para Krishtit
15 Tetor 2021, 19:32
-
Neritan Ceka: Tezat dhe zbulimet e reja për ilirët! Qytetërimi ilir ka ekzistuar para qytetërimit grek dhe romak
26 Shtator 2021, 20:44
-
Zbulohet një varrezë e kohës romake në Apolloni, ndërpriten punimet për ndërtimin e rrugës
20 Maj 2021, 17:19
-
15 historianë nisin hartimin e ‘Historisë së shqiptarëve’ nga antikiteti te Pavarësia e Kosovës (VIDEO)
4 Maj 2021, 14:36