POP 5

Lajmet më të lexuara të 5 minutave të fundit

Kronikë

Abuzoi me tregtarët fruta-perimeve/ Gjoba e EKMA-s përfundon në Apel, nesër vendimi

U gjobit nga Autoriteti Konkurencës me 46 milion lekë gjobë, e cila u la në fuqi edhe nga gjykata administrative, kompania “EKMA” kërkon në apel shfuqizimin e saj.

U gjobit nga Autoriteti Konkurencës me 46 milion lekë gjobë, e cila u la në fuqi edhe nga gjykata administrative, kompania “EKMA” kërkon në apel shfuqizimin e saj.

Report Tv ka mësuar se seanca për kundërshtimin e vendimit të shkallës së parë administrative do të mbahet të martën në mesditë me gjyqtare Aleklina Gazidede.

Më datë 19 shkurt gjykata administrative vendosi të rrëzojë padinë e EKMA-s kompanisë që administron tregun agro-ushqimorë në periferi të Tiranës duke lënë në fuqi gjobën për shkelje të rregullave të konkurrencës.

Me argumentin se “EKMA” abuzonte me tregtarët qira-marrës duke shfrytëzuar pozitën dominuese në treg si e vetmja kompani që ofronte këtë shërbim autoriteti konkurencës e gjobiti EKMA.

Vendimi për lënien në fuqi të gjobës u dha nga gjyqtari Avni Sejdi i cili më parë kishte pezulluar ekzekutimin e kësaj gjobe duke pranuar sigurimin e padisë kërkuar nga EKMA. Ky është tregu i vetëm i shumicës për produktet Agro-Ushqimore në Tiranë ndërsa u ndërtua pas mbylljes së tregut Dinamo.

Sipas Autoritetit të Konkurrencës që ka denoncuar abuzimet, tregtarët për këto ambiente paguajnë një qira  74% më të lartë se bizneset e tjera të zonës, duke ndikuar kështu edhe në rritjen e çmimeve të produkteve Agro-Ushqimore për qytetarët.

Çmimet i mundësojnë shoqërisë EKMA Albania sh.p.k një normë fitimi shumë të lartë prej 76.1% ku e përkthyer në vlerë monetare do të thotë se kap shifrën prej 380 milionë lekësh të reja vetëm për vitin 2017.

B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A duhet të lejohet mjeku të punojë njëkohësisht në spital publik e privat?

Lajme të tjera



×

Lajmi i fundit

Lamtumira për Kadarenë/ Rama: Nën hijen e Nënë Tereza, Ismaili symbyllur ndihet i mbrojtur nga ata që s’e donin! Tregon dhe polemikat për varrin: Çmë panë sytë duke u marrë me funeralin tënd

Lamtumira për Kadarenë/ Rama: Nën hijen e Nënë Tereza, Ismaili symbyllur ndihet i mbrojtur nga ata që s’e donin! Tregon dhe polemikat për varrin: Çmë panë sytë duke u marrë me funeralin tënd

3 Korrik, 12:06