Administrata shtetërore nesër pushim, si do veprohet për transportin e punonjësve të Rinasit dhe shpërndarësit e ushqimeve e ilaçeve

Teksa i gjithë qarkullimi i çdo automjeti në rrugë është pezulluar nga nesër në 06:00 të mëngjesit deri të dielën në mesnatë, kryeministri Edi Rama i bën thirrje të gjithë sipërmarrjeve që furnizojnë me ushqime apo ilaçe në Tiranë-Durrës të akreditojnë makinat e transportit të punonjësve të tyre. Edhe punonjësit e aeroportit të Rinasit apo institucione të tjera shtetërore do të duhet të akreditohen pranë Drejtorisë së Përgjithshme të Policisë së Shtetit.

Po ashtu për të lehtësuar sadopak qarkullimin edhe të njerëzve, administrata shtetërore nesër do të jetë pushim.

"Për të kryer shërbimet e tyre informative gjatë “shtet-rrethimit” të fundjavës brenda perimetrit Tr-Dr  mediat televizive duhet të akreditojnë automjetet e trupave të tyre, pranë drejtorisë së përgjithshme të policisë së shtetit në Tiranë. Ndjesë 1000 herë po kjo luftë nuk fitohet ndryshe.

Sipërmarrjet që kryejnë shërbime transporti mallrash apo shërbime furnizimi me mallra ushqimore apo farmaceutike në perimetrin Tr-Dr, duhet të akreditojnë automjetet e transportit të punonjësve të tyre, si edhe vetë punonjësit, emër për emër, në drejtorinë e përgjithshme të Policisë së Shtetit". Ndjesë 1000 herë po kjo luftë nuk fitohet ndryshe.

Nesër administrata shtetërore do të jetë pushim

Për kryerjen e detyrës në shërbimet shtetërore ose publike brenda perimetrit Tr-Dr, gjatë periudhës së “shtet-rrethimit” të fundjavës, punonjësit e aeroportit apo të institucioneve të tjera shtetërore që kryejnë funksione të domosdoshme dhe e kanë të pamundur lëvizjen në këmbë, duhet të akreditohen pranë drejtorisë së Përgjithshme të Policisë së Shtetit, emër për emër.

Marrja në automjetin e punës e personave të familjes apo personave të tjerë që s’kanë lidhje me detyrën shtetërore është rreptësisht e ndaluar dhe do të ndëshkohet me sanksione të rënda.

Për vajtje - ardhjet nga aeroporti drejtuesi i automjetit duhet t’i tregojë post-bllokut, biletat e fluturimit të personave që do të largohen apo foton e biletave të personave që do të mbërrijnë.

Frikë aspak, kujdes po! shumë fare!", shkruan Rama.

Lajmi kryesor:

Shqipëria në 'shtetrrethim'! Bllokohet transporti urban, e premte-e diel s'ka qarkullim as të makinave private e taksive në 8 qarqe, përjashtohen mjekët e pacientët

G.M.//Shqiptarja.com

TAG:
• edi rama
• Koronavirus
• koronavirusi ne shqiperi